(ភ្នំពេញ)៖ ជនសង្ស័យជាមុខសញ្ញាជួញដូរ និងប្រើប្រាស់គ្រឿងញៀន ចំនួន៣នាក់ ត្រូវបានកម្លាំងនគរបាលសង្កាត់ស្រះចក ខណ្ឌដូនពេញ ចាប់ខ្លួន នៅចំណុចក្នុងបន្ទប់ឈើបាក់បែក ផ្លូវR៦ ភូមិ៣ នៅព្រឹកថ្ងៃទី១០ ខែមេសា ឆ្នាំ២០១៨នេះ។
អធិការនគរបាលខណ្ឌដូនពេញលោក ហួត ចាន់យ៉ារ៉ាន់ បានឲ្យដឹងថា ជនសង្ស័យដែលត្រូវឃាត់ខ្លួន ទី១៖ឈ្មោ នី សុខប៉ាវ អាយុ២៤ឆ្នាំ, ទី២៖ឈ្មោះ ប៉ក់ វណ្ណា អាយុ២៣ឆ្នាំ និងទី៣៖ឈ្មោះ អេច ឡូរេន អាយុ២១ឆ្នាំ។
បើតាមលោកអធិការ ក្រោយឃាត់ខ្លួនកម្លាំងនគរបាលជំនាញដកហូតបាន ម្ស៉ៅក្រាមពណ៌សថ្លាចំនួន២៩កញ្ចប់តូច, កាបូបដៃពណ៌សូកូឡាចំនួន០១, ដែកកេះចំនួន០២, ដបមានចុះគំរបដាក់ ទុយោចំនួន០១ (ចាប់យកពីឈ្មោះនី សុខប៉ាវ) ទូរសព្ទ័ដៃ០១គ្រឿង ម៉ាកNokia ពណ៌ផ្កាឈូក និងទូរស័ព្ទ០១គ្រឿងម៉ាក Nokia ពណ៌ខ្មៅ (ចាប់យកពីឈ្មោះ ប៉ក់ វណ្ណា)។
បច្ចុប្បន្នជនសង្ស័យត្រូវបានកម្លាំងសមត្ថកិច្ច កំពុងកសាងសំណុំរឿងដើម្បីចាត់ការបន្ដ៕
