(បន្ទាយមានជ័យ)៖ កម្លាំងមូលដ្ឋានអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បានចុះប្រតិបត្តិការបង្រ្កាប ករណីជួញដូរសារធាតុញៀន និងកាន់កាប់អាវុធកែឆ្នៃដោយខុសច្បាប់ និងឃាត់ខ្លួនជនសង្ស័យម្នាក់។
លោកវរសេនីយ៍ត្រី នួន នីណារ៉ូ បានឲ្យដឹងនៅថ្ងៃទី០៧ ខែមេសា ឆ្នាំ២០១៨នេះថា ក្រោយមានបញ្ជាពីលោកឧត្តមសេនីយ៍ត្រី បោន ប៊ិន មេបញ្ជាការអាវុធហត្ថខេត្ត និងការសម្របសម្រួលពីលោក សេង គីមឡាក់ ព្រះរាជអាជ្ញារងអមសាលាដំបូងខេត្ត នៅវេលាម៉ោង១០យប់ថ្ងៃទី០៥ ខែមេសា ឆ្នាំ២០១៨ នៅចំណុចភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត។
បើតាមលោកមេបញ្ជាការ ជនសង្ស័យដែលឃាត់ខ្លួនឈ្មោះ ណេង វង្សពិទូ អាយុ២៨ និងដកហូតបាន គ្រឿងញៀនមេតំហ្វេតាមីនICEចំនួន០៨កញ្ចប់, គ្រឿងញៀនមេតំហ្វេតាមីWY ចំនួន៤៤២គ្រាប់, ទូរស័ព្ទដៃចំនួន១គ្រឿង, កាំភ្លើងប៊ិចបាញ់គ្រាប់ឡុក១ដើម និងសម្ភារៈ លុយ មួយចំនួនទៀត។
បច្ចុប្បន្នកម្លាំងជំនាញបានកសាងសំណុំរឿងបញ្ជូនជនសង្ស័យ រួមជាមួយវត្ថុតាងទៅតុលាការ ដើម្បីចាត់ការទៅតាមនីតិវិធី៕
