(ភ្នំពេញ)៖ ក្នុងឱកាសទទួលអំណរឆ្នាំថ្មី ឆ្នាំច សំរឹទ្ធិស័ក ព.ស. ២៥៦២ ដែលនឹងឈានមកដល់ នាពេលខាងមុខនេះ នៅព្រឹកថ្ងៃទី០៦ ខែមេសា ឆ្នាំ២០១៨ ក្រុមគ្រូពេទ្យដែលធ្វើការនៅក្នុងមន្ទីរបង្អែកខណ្ឌដង្កោ រាជធានីភ្នំពេញ បានរៀបចំពិធីសូត្រមន្ត អបអរសាទរបុណ្យចូលឆ្នាំថ្មី ប្រពៃណីជាតិ ដែលបានប្រព្រឹត្តទៅនៅមន្ទីរពេទ្យបង្អែកខណ្ឌដង្កោ។
ការរៀបចំពិធីសូត្រមន្ដនេះ ធ្វើឡើងក្នុងគោលបំណងសុំពរជ័យ សិរីសួស្តីគ្រប់ប្រការពីទេវតាឆ្នាំថ្មី ដល់ថ្នាក់ដឹកនាំ និងមន្រ្ដីរាជការ ក្រុមគ្រូពេទ្យព្រមទាំងប្រជាពលរដ្ឋ ក្នុងប្រទេសកម្ពុជាទាំងអស់ ឲ្យជួបតែសេចក្តីសុខចម្រើន ទទួលបានជោគជ័យបន្ថែមទៀត នៅគ្រប់ភារកិច្ចរបស់ខ្លួន នាឱកាសបុណ្យចូលឆ្នាំ ប្រពៃណីជាតិខ្មែរ ឆ្នាំច នព្វស័ក ពុទ្ធសករាជ ២៥៦២ ខាងមុខនេះ។
ក្រៅពីការរៀបចំពិធីសូត្រមន្ដនេះ ក្រុមគ្រូពេទ្យប្រុសស្រីជាច្រើន ក៏បានលែងល្បែងកំសាន្ដប្រជាប្រិយនានា ព្រមទាំងពិសារអាហារសាមគ្គីផងដែរ៕
