(ភ្នំពេញ)៖ សម្រាប់អបអរសាទរ បុណ្យចូលឆ្នាំថ្មី ក្រុមហ៊ុន វីតាល់ បានបង្កើតមួកត្នោតតូច ដែលរក្សានូវគោលបំណង ចូលរួមអបអរបុណ្យចូលឆ្នាំខ្មែរ និងក្នុងការក្រើនរំលឹកដល់ប្រជាពលរដ្ឋទាំងអស់ឲ្យចូលរួមគាំទ្រផលិតផល និងស្នាដៃខ្មែរ។ កម្មវិធីនេះប្រព្រឹត្តទៅនៅថ្ងៃទី០៥ ខែមេសា ឆ្នាំ២០១៨ លើដងវិថី នៃផ្លូវប្រសព្វភ្លើងស្តុបធំ ក្នុងរាជធានីភ្នំពេញ ដើម្បីចែកចាយទឹកវីតាល់ សិរីសួស្តី ពាក់មួកត្នោតតូចដ៏គួរឲ្យស្រឡាញ់ ដោយមានការចូលរួមពី ក្រុមយុវជនស្មគ្រ័ចិត្ត និងបុគ្គលិក វីតាល់។
លោក ជុនហៀង ថាវសិទ្ធ ប្រធានផ្នែកទីផ្សារ នៃក្រុមហ៊ុន អិនវីស៊ីខបភើរេសិន វីតាល់ ដែលជាអ្នកបង្កើតនឹងដឹកនាំកម្មវិធីនេះ បានលើកឡើងថា ដោយមើលឃើញថា បុណ្យចូលឆ្នាំខ្មែរប្រពៃណីជាតិ ជិតចូលមកដល់ដូចនេះហើយ ការជូនមួកត្នោតតូចនេះ ទៅប្រជាពលរដ្ឋខ្មែរវាដូចជាការបញ្ជាក់ ពីក្តីស្រលាញ់វប្បធម៌ខ្មែរ និងក៏ដូចជាកាដូសម្រាប់អបអរឆ្នាំថ្មីចំពោះគាត់ផងដែរ។ ដូច្នេះហើយ វីតាល់សូមជូនពរដល់ប្រជាជានខ្មែរទាំងអស់នូវសេចក្តីសុខ និងជោគជ័យគ្រប់ភារៈកិច្ច ក្នុងឱកាសឆ្នាំថ្មីនេះ និងសូមឲ្យមានសុវត្ថិភាពពេលធ្វើដំណើរកំសាន្ត។
កម្មវិធី «វីតាល់ អបអរសាទរបុណ្យចូលឆ្នាំខ្មែរ» ឆ្នាំ២០១៨នេះ មានគម្រោងប្រារព្ធឡើងមិនត្រឹមតែនៅក្នុងរាជធានីភ្នំពេញប៉ុណ្ណោះទេ ក៏មាននៅតាមបណ្តាខេត្តធំៗ ផងដែរដូចជា សៀមរាប និងបាត់ដំបង។ លើសពីនេះ ដោយសហការជាមួយទូរភេសជ្ជៈវេទមន្ត សម្រាប់អ្នកភ្នំពេញ ដែលមិនបានមកទទួលយកមួកត្នោតតូច ពីវីតាល់តាមទីតាំងដែលបានកំណត់ ក៏អាចទៅរកជាវបាននៅតាមទូរភេសជ្ជៈវេទមន្ត នៅក្នុងផ្សារទំនើបអ៊ីអនផងដែរ ចាប់ពីថ្ងៃទី០៥ ដល់ថ្ងៃទី០៨ ខែមេសា ក្នុងតម្លៃ៣,០០០រៀលតែប៉ុណ្ណោះ។
កម្មវិធីនេះបានទទួលការគាំទ្រខ្លាំង ពីសំណាក់ប្រជាពលរដ្ឋ ជាពិសេសសាធារណជន ដែលធ្វើដំណើរតាមដងផ្លូវ ពួកគាត់ស្រឡាញ់ការច្នៃម៉ូតរបស់ដបវីតាល់ ដែលតែងតែមានគំនិតច្នៃប្រឌិតខ្ពស់។ ជាក់ស្ដែងលោកពូម្នាក់ ដែលបានទទួលដបវីតាល់ ជូនពរអ្នកការពារបាននិយាយថា ដបនេះស្អាតណាស់ លោកមិនដាច់ចិត្តញ៉ាំទេ ព្រោះវាមានន័យណាស់សម្រាប់លោក និងប្រជាជនដទៃទៀត ដូច្នេះលោកនឹងថែរក្សាទុកឲ្យបានល្អដើម្បីជាអនុស្សាវរីយ៍។
ទស្សនៈវិស័យរបស់វីតាល់ មិនត្រឹមតែចង់ធ្វើសកម្មភាពសប្បុរសធម៌ កាន់តែច្រើននោះទេ ក្រុមហ៊ុនក៏មានបំណងលើកទឹកចិត្ត និងផ្សព្វផ្សាយកម្មវិធី សប្បុរសធម៍ នៅក្នុងប្រទេសកម្ពុជាឲ្យមានភាពកាន់តែពុះកញ្ជ្រោលផងដែរ។ ផ្អែកលើកញ្ចប់ថវិកា២៥៛ វីតាល់ ប្តេជ្ញាថា នឹងបន្តចូលរួមបន្ថែមទៀត រាល់សកម្មភាពល្អៗក្នុងសង្គមដើម្បីជាសក្ខីភាពនៃ ការចូលរួមរបស់អតិថិជនវីតាល់។ ដូច្នេះហើយគ្រាន់តែជាវទឹកវីតាល់ អ្នកគឺបានចូលរួមធ្វើបុណ្យកុសល និងចូលរួមចំណែក នៃការជួយនិងអភិវឌ្ឍសង្គមបានជាច្រើន «វីតាល់មោទនភាពផលិតផលជាតិ»៕
