(ភ្នំពេញ)៖ កម្មវិធីថ្មីសន្លាងមួយទៀតហើយ ដែលត្រៀមបង្ហាញរូបរាង នៅលើកញ្ចក់ទូរទស្សន៍ បាយ័ន ដែលកម្មវិធីមានឈ្មោះថា "The Melody" ដែលកម្មវិធីនេះចូលរួមលើកស្ទួយស្នាដៃ និងការបកស្រាយចម្រៀង ស្នាដៃកូនខ្មែរ ក្រោយឱកាសបុណ្យចូលឆ្នាំខ្មែរ។
តារាចម្រៀង Original Song ៣រូប ដែលកំពុងតែមានភាពលេចធ្លោ ក្នុងការបង្ហាញស្នាដៃ បទចម្រៀងស្នាដៃខ្លួនឯង គឺលោក ហេង ពិទូរ ,អ្នកនាង អេដា និង លោក សួន ពិសិដ្ឋ ក៏ត្រូវបានអ្នករៀបចំកម្មវិធី ជ្រើសរើសឲ្យក្លាយខ្លួនជា គណៈកម្មាកាក្នុងកម្មវិធីថ្មី មានឈ្មោះថា"The Melody" របស់ស្ថានីយទូរទស្សន៍បាយ័ន ដែលត្រៀមបង្ហាញវត្តមាន ឆាប់ៗខាងមុខនេះផងដែរ។
រសៀលថ្ងៃទី៣ ខែមេសា ឆ្នាំ២០១៨ នាស្ថានីយ៍ទូរទស្សន៍បាយ័នស្ទឹងមានជ័យមានរៀបចំកម្មវិធីសន្និសីទសារព័ត៌មានមួយ ដើម្បីប្រកាសដល់សាធារណៈជនបានដឹងថា ក្រោយពិធីបុណ្យចូលឆ្នាំខ្មែររួច នឹងបង្ហាញកម្មវិធីប្រឡងចម្រៀងថ្មីមួយ ក្រោមការសម្រិតសម្រាំងយ៉ាងពិសេសពុំធ្លាប់មានជាស្នាដៃគំនិតខ្មែរផលិតឡើង។
បេក្ខជនត្រូវចម្រាញ់ជ្រើសរើសពីក្រុមគណៈកម្មាការដែលល្បីឈ្មោះខាងចម្រៀងអូរីជីណលសង ត្រូវបានគេប្រគល់តំណែងជ្រើសរើសដូចជាលោក ហេង ពិទូ កញ្ញា អេដា លោក សួន ពិសិដ្ឋ។ ក្រៅពីនោះក៏មានក្រុមតន្ត្រីករដ៏មានបទពិសោធន៍ចំនួន៦រូបទៀតរង់ចាំតាមដានវិនិច្ឆ័យដែលដាក់ឈ្មោះថា Composers ត្រូវសម្រេចប្រជុំជ្រើសរើសអ្នកដែលមានទេពកោសល្យ និងសមត្ថភាពសម្រាប់ទៅវគ្គបន្តបន្ទាប់។
អ្នកនាង អេដា តារាចម្រៀងដែលជាប់ឈ្មោះថា តារាOriginal Songដ៏លេចធ្លោ បានឲ្យដឹងថា បេក្ខជនត្រូវមានសិទ្ធចូលរួមប្រកួតបានចាប់ពូវ័យ១៦ឆ្នាំ ដល់៣៥ឆ្នាំ។ លើសពីនេះបើគាត់ជាអ្នកចម្រៀងOriginal Song មិនមានឈ្មោះសំឡេងជាអ្នកចម្រៀឯករាជ្យក៏មានសិទ្ធិប្រឡងដែរ។កញ្ញាថា បើមានសំឡេងហើយតែខ្សោយការតែងនិពន្ធទំនុកច្រៀងបទភ្លេង គឺកុំបារម្មយើងមានComposers ចាំស្រង់ប្រសិនបើយល់ថាប្អូនៗមានមូលដ្ឋានឬដុងអាចរុញបាន។
ដោយឡែក លោក ហេង ពិទូ ជាតារាចម្រៀង និងជាគណៈកម្មាការ បានឲ្យដឹងថា សម្រាប់លោកមានក្តីរំពឹងថា ជោគជ័យដែរតែមិនទាន់អាចថាទាំងស្រុងនោះទេ ព្រោះជាកម្មវិធីលើកទី១។ ប៉ុន្តែក្រោយពីបងប្អូនទស្សនាយល់ច្រើនពិតជាឲ្យតម្លៃហើយបន្តគាំទ្រកម្មវិធី កើតចេញពីគំនិតកូនខ្មែរពិតៗ។ បេក្ខជនដែលមានសមត្ថភាព អាចមកជាក្រុមក៏បានមកប្រឡងទោលតែឯងក៏បាន ជាក្រុមក៏បានហើយបទចម្រៀងលើកមកច្រៀងបើចេះរៀបចំបញ្ចូលឧបករណ៍ភ្លេងខ្មែរដាក់នៅក្នុងបទចម្រៀងរិតតែប្រសើរ។
កម្មវិធី "The Melody" ឧបត្ថម្ភឡើងដោយខារ៉ាបាវមានរយៈពេលជាង៥ខែ នឹងធ្វើការចាក់ផ្សាយនៅលើកញ្ចក់ទូរទស្សន៍បាយ័យ ចាប់ពីថ្ងៃទី២១ ខែមេសា ឆ្នាំ២០១៨ វេលាម៉ោង៨យប់ដល់១០យប់រាល់ថ្ងៃសៅរ៍៕
