(ភ្នំពេញ)៖ ក្រុមហ៊ុន​ខ្មែរ​ បែវើរីជីស​ លីមីតធីត​ ​បញ្ចូន​​ស្រាបៀ​រ​កម្ពុជាទៅ​កាន់​ទីផ្សារ​គ្រប់​ខេត្ត​ក្រុង​ ​និង​បណ្ដា​ប្រទេស​​​​​មួយ​ចំនួន​​នៅ​ក្នុង​ពិភព​លោក​។ គ្រប់​សង្វាក់​ផលិតកម្ម​​នីមួយ​​​ៗរបស់​ស្រាបៀរ​​កម្ពុជា​ សុទ្ធ​តែ​បាន​ឆ្លង​កាត់​ការ​ត្រួត​ពិនិត្យ​រសជាតិ​ ​​គុណ​ភាព និង​សុពលភាព​​ប្រកប​ដោយ​​ទំនួល​​ខុស​ត្រូវ​​​ខ្ពស់ ​ពី​ផ្នែក​ត្រួត​ពិនិត្យ​គុណភាព​​របស់​​ក្រុម​ហ៊ុន។

​​​ការ​ត្រួត​ពិនិត្យ​តាំង​ពី​វត្ថុធាតុ​ដើម​ ដំណាក់​កាល​នៃ​ការ​ផលិត​នីមួយ​ៗ​ រហូត​ដល់​ផលិតផល​សម្រេច។ ចំពោះ​វត្ថុធាតុ​ដើម ​យើង​មាន​ត្រួត​ពិនិត្យ​​ស្រូវ​សាលី​ ទឹក​ មេស្រាបៀរ​ និង​ផ្កា Hops។ ចំពោះ​ដំណាក់​កាល​នីមួយ​ៗ​ យើង​មាន​ត្រួត​ពិនិត្យ​ដូច​ជា​ បន្ទាប់​ពី​យើង​ស្ងោរ​ចប់​ ពេល​កាច់​មេ​ ពេល​បន្ទំ​ ពេល​​ច្រោះ​ ពេល​ច្រក​ចូល​កំប៉ុង​ ឬ​ដប ហើយ​នឹង​ផលិតផល​​សម្រេច។
​ឧបករណ៍​​ត្រួត​ពិនិត្យ​​គុណភាព ដែល​បំពាក់​ក្នុង​ផ្នែក​​​ត្រួត​ពិនិត្យ​គុណភាព​​របស់​រោងចក្រ​ស្រាបៀរ​កម្ពុជា​ គឺជា​បច្ចេកវិទ្យា​ទំនើប​​ចុង​ក្រោយ​បង្អស់​ ​​​​នាំ​ចូល​​ពី​​​សហគមន៍​អឺរ៉ុប​ និង​​​សហរដ្ឋអាមេរិក​។

ឧបករណ៍​ទាំង​នោះ​រួម​មាន​ ឧបករណ៍​​​សម្រាប់​​វាស់​​សំណើម​ក្នុង​ស្រូវ​សាលី​​ Moisture Analyzer, ឧបករណ៍សម្រាប់​ពិនិត្យ​មើល​សារធាតុ​​ដែល​​ដក​ពី​​ក្នុង​ស្រូវ​សាលី Mashing Machine, ​ ឧបករណ៍​សម្រាប់​​ពិនិត្យ​​មើល​ពណ៌ ​ជាតិ​ល្វីង និងកម្រិត​ក្លិន​ដែល​មិន​ចង់​​បាន​​​នៅក្នុង​ស្រាបៀរ Spectro Photometer, ឧបករណ៍សម្រាប់​​ពិនិត្យ​​មើល​កម្រិត​​អាកុល​​ និង​​សារធាតុ​​ដែល​​​​​ដក​​​ពី​​ក្នុង​ស្រូវ​សាលី​​​​ Alcolyzer, ឧបករណ៍​សម្រាប់​​ពិនិត្យ​​មើល​ឧស្ម័ន​កាប៉ូនិចនៅ​ក្នុង​កំប៉ុង​ ឬ​ដប​​ CO2 Meter, ឧបករណ៍​សម្រាប់​​ពិនិត្យ​មើល​ឧស្ស៊ីសែន​នៅ​ក្នុង​កំប៉ុង​ ឬ​​ដប O2 Meter, ឧបករណ៍​សម្រាប់​ពិនិត្យ​ភាព​ថ្លា​របស់​ ​ស្រាបៀរ Haze Meter, ឧបករណ៍​សម្រាប់​​​​​ឆែក​​មើល​ជាតិ​ពពុះ​នៅ​​ក្នុង​​ស្រាបៀរ Foam Meter, និង​​មាន​​ឧបករណ៍​​​​ជា​​​ច្រើន​​​ទៀត។​

បាន​ជា​ធ្វើ​ការ​​ពិនិត្យ​​គុណភាព ​ពី​ព្រោះយើង​​ចង់​បាន​ស្រាបៀរ​មួយ ​ដែល​មាន​គុណភាព​ស្ថិតស្ថេរ​មិន​ប្រែប្រួល។ អញ្ចឹង​ដើម្បី​ទទួល​បាន​គុណភាព​ស្ថិតស្ថេរ​មិន​ប្រែប្រួល​ យើង​ត្រូវ​ត្រួតពិនិត្យ​តាំង​ពី​វត្ថុ​ធាតុដើម​ ដំណាក់​កាល​នៃ​ការ​ផលិត​នី​មួយ​ៗ រហូត​ដល់​ផលិត​ផល​សម្រេច ជា​ពិសេស​វត្ថុធាតុ​ដើម​ត្រូវ​តែ​មាន​គុណភាព​​​ខ្ពស់។

ក្នុង​ករណី​ដែល​​រក​ឃើញ​ ឧទាហរណ៍​ វត្ថុធាតុ​ដើមមិន​ត្រឹម​ត្រូវ​តាម​ស្ដង់ដារ​របស់​ក្រុមហ៊ុន​​ ដូច្នេះ​យើ​ង​មិន​អនុញ្ញាត​ឲ្យ​ប្រើ​ក្នុង​ផលិត​កម្ម​នោះ​ទេ ហើយ​យើង​នឹង​បញ្ជូន​ទៅ​ឲ្យ​អ្នក​លក់​វិញ។​
ស្រាបៀរ​​​​កម្ពុជា មិន​ថា​​កំប៉ុង​ ដប​ ឬ​ធុង​ឡើយ​​ គឺ​មាន​រសជាតិ​តែ​មួយ​ ​ទាំង​​​ចែក​ចាយ​​​​នៅ​លើ​​ទីផ្សារ​ក្នុង​​ស្រុក​ និង​​ក្រៅ​ប្រទេស។ ការ​ទទួល​បាន​រសជាតិ​តែ​មួយ​នេះ​ គឺ​​បាន​មក​​ពី​ការ​ត្រួត​ពិនិត្យ​យ៉ាង​ហ្មត់ចត់​​ដោយអ្នក​ជំនាញ​ខាង​ផ្នែក​ពិនិត្យ​គុណភាព​ស្រាបៀរ​ ជា​ពិសេស​ការ​ប្រើប្រាស់​​ឧបករណ៍​ត្រួត​ពិនិត្យ​​គុណភាព​​កម្រិត​ស្ដង់ដារ​អន្តរជាតិ​ ដែល​​អាច​​ចង្អុល​​បង្ហាញ​​​ពី​គុណភាព​​​នៃ​គ្រឿង​​ផ្សំ​​ស្រាបៀរ, ការ​វិវឌ្ឍ​នៃ​ទឹក​ស្រាបៀរ​ពេល​ឆ្លង​កាត់​ដំណាក់​កាល​​នីមួយ​ៗ​​នៃ​​សង្វាក់ផ​លិតកម្ម​ ​ និង​ក្រោយ​​ពេល​ផលិត​បាន​ជា​ស្រាបៀរ​​ដែល​អាច​​ពិសា​បាន។ ​ ​

​មុខងារ​មួយ​ទៀត​របស់​ផ្នែក​ត្រួត​​ពិនិត្យ​​គុណភាព​របស់​ស្រាបៀរ​​កម្ពុជា​ គឺ​រក្សា​ទុក​គំរូ​សាក ​​គ្រប់​ការ​បញ្ចេញ​​​ស្រាបៀរ​ទៅ​កាន់​ទី​ផ្សារ​មួយ​លើកៗ។​ ការ​រក្សា​ទុក​​សំណាក​​នេះ​ គឺដើម្បី​​តាម​ដាន​ពី​គុណភាព​របស់​ស្រាបៀរ​ ព្រោះ​ក្រុមហ៊ុនខ្មែរ​ បែវើរីជីស​ លីមីតធីត​ មាន​ទំនួល​ខុសត្រូវជា​និច្ច​​ចំពោះ​ផលិតផល​របស់​ខ្លួន​ ​​​មិន​ថា​ទៅ​​ដល់​​ទី​​ណា​​ ឬ​​កន្លែង​​ណាក៏​​ដោយ ៕