(បន្ទាយមានជ័យ)៖ យោងតាមលិខិតរបស់រដ្ឋបាលក្រុងប៉ោយប៉ែតលេខ ២០/១៨ ស ជ ណ ជូនដំណឹងឲ្យលោក អ៊ិន សំអាង តំណាងភាគីដើមបណ្តឹង ដើម្បីចូលខ្លួនពិនិត្យទីតាំងដីធ្លី ដែលមានបណ្តឹងទាមទារពីមុនមកក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ នេះបើតាមសេចក្តីជូនដំណឹងរបស់រដ្ឋបាលក្រុងប៉ោយប៉ែត ដែលបណ្តាញព័ត៌មាន Fresh News ទទួលបាននៅថ្ងៃទី២ ខែមីនា ឆ្នាំ២០១៨នេះ។
ចំពោះករណីខាងលើបណ្តឹងនេះ សូមលោក អ៊ិន សំអាង (ភាគីដើមបណ្តឹង) ចូលរួមពិនិត្យទិន្នន័យក្បាលដីដែលអាចមានការរង្គៀសសង្ស័យ ឬមានការពាក់ព័ន្ធ និងទីតាំងដីដែលជាកម្មវត្ថុនៃទំនាស់ រួចហើយធ្វើការប្តឹងជំទាស់លើទិន្នន័យក្បាលដីទាំងនោះ ដើម្បីឲ្យគណៈកម្មការរដ្ឋបាលធ្វើការដោះស្រាយតាមនីតិវីធីច្បាប់។
ក្នុងអំឡុងពេលបិទផ្សាយជាសារធាណៈរយះពេល១៥ថ្ងៃ គិតចាប់ពីថ្ងៃទី២៣ ខែមីនា ឆ្នាំ២០១៨ ដល់ថ្ងៃទី០៦ ខែមេសា ឆ្នាំ២០១៨ ជាកំហិត នៅក្នុងបរិវេណវត្តស្រះត្រាច ស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ៕
សូមអានខ្លឹមសារទាំងស្រុងដូចខាងក្រោម៖
