(ភ្នំពេញ)៖ យុទ្ធនាការរឹតបន្ដឹងច្បាប់ចរាចរណ៍ទូទាំងប្រទេស សម្រាប់ថ្ងៃទី២៤ ខែមីនា ឆ្នាំ២០១៨នេះ កម្លាំងនគរបាលចរាចរណ៍ បានត្រួតពិនិត្យយានយន្ដចំនួន ៤,៥៥៨ គ្រឿងរកឃើញល្មើសច្បាប់៦៣៨គ្រឿង (ម៉ូតូ៥៣ភាគរយ) អប់រំ៤០៧គ្រឿង និងផាកពិន័យ២៣១គ្រឿង, នេះបើតាមរបាយការណ៍ផ្លូវការ របស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។

របាយការណ៍បានបញ្ជាក់ទៀតថា ចំពោះការត្រួតពិនិត្យមួក និងកញ្ចក់​ នៅថ្ងៃទី២៤ ខែមីនានេះ ត្រួតពិនិត្យរួមបានចំនួន១,៣៤៩គ្រឿង អប់រំ១២៩គ្រឿង និងផាកពិន័យចំនួន៨៩គ្រឿង។

ដោយឡែកសម្រាប់រាជធានីភ្នំពេញវិញ នៅថ្ងៃទី២៤ ខែមីនា ឆ្នាំ២០១៨ សមត្ថកិច្ចនគរបាលឃាត់បាន យានយន្ត៧២០គ្រឿងដែលជិះបញ្ច្រាស មិនពាក់មួកសុវត្ថិភាព មិនដាក់កញ្ចក់ មិនមានស្លាកលេខ។

សម្រាប់លទ្ធផល នៃការត្រួតពិនិត្យរយៈពេល២៤ថ្ងៃ ចាប់ពីថ្ងៃទី០១ ដល់ថ្ងៃទី២៤ ខែមីនានេះ នគរបាលបានត្រួតពិនិត្យយានយន្តចំនួន ១០៣,៣៧៥គ្រឿង រកឃើញយានយន្តល្មើស ១១,៦៥៣(ម៉ូតូ៦៩ភាគរយ) ក្នុងនោះអប់រំ៦,៩៤៣គ្រឿង និងផាកពិន័យ៤,៧១០គ្រឿង
(ម៉ូតូ៩៦ភាគរយ)៕