(ភ្នំពេញ)៖ លោក នៃ ប៉េណា ប្រធានស្តីទីព្រឹទ្ធសភា រួមទាំងសមាជិក សមាជិការរបស់ព្រឹទ្ធសភា បានផ្ញើសារលិខិតចូលរួមរំលែកទុក្ខជូន លោកស្រី ជួន គឹម ចំពោះមរណភាពរបស់ នាយឧត្តមសេនីយ៍ សន្ដិបណ្ឌិត ឯម សំអាន រដ្ឋលេខាធិការក្រសួងមហាផ្ទៃ ក្នុងជន្មាយុ៧១ឆ្នាំ ដោយជរាពាធ នៅព្រឹកថ្ងៃទី២៤ ខែមីនា ឆ្នាំ២០១៨នេះ។
លោក នៃ ប៉េណា បានចាត់ទុកថា «មរណភាពរបស់នាយឧត្តមសេនីយ៍ សន្ដិបណ្ឌិត ឯម សំអាន ជាការបាត់បង់ឥស្សរជនដ៏ឆ្នើមរបស់ជាតិមួយរូប ធ្លាប់លះបង់កន្លាំងកាយ កម្លាំងចិត្ត ប្របកបដោយទឹកចិត្តស្នេហាជាតិ មាតុភូមិ និងប្រជាពលរដ្ឋដ៏ខ្ពង់ខ្ពស់ ចូលរួមចំណែកយ៉ាងធំធេងដើម្បីអភិវឌ្ឍប្រទេសជាតិ»។
សូមបញ្ជាក់ថា នាយឧត្តមសេនីយ៍ សន្តិបណ្ឌិត ឯម សំអាន រដ្ឋលេខាធិការក្រសួងមហាផ្ទៃ បានទទួលមរណភាពជន្មាយុ៧១ឆ្នាំ នៅម៉ោង៦៖៤៥នាទី ព្រឹកថ្ងៃសៅរ៍ ទី២៤ ខែមីនា ឆ្នាំ២០១៨នេះ ដោយរោគាពាធ នៅមន្ទីរពេទ្យបំរ៉ុងរ៉ាត់ ទីក្រុងបាងកក ប្រទេសថៃ។
នាយឧត្តមសេនីយ៍ ឯម សំអាន ក៏ជាឥស្សរជននយោបាយជាន់ខ្ពស់មួយរូប ដែលបានកៀកស្នាជាមួយឥស្សរិយនយោបាយជាន់ខ្ពស់កម្ពុជាដ៏ទៃទៀត តស៊ូប្រយុទ្ធរំដោះជាតិពីរបបប្រល័យពូជសាសន៍ និងជាបន្ដបន្ទាប់ប្រឹងស្រោចស្រង់ និងអភិវឌ្ឍន៍ជាតិកម្ពុជា ពីស្ថានភាពដ៏សែនលំបាក ឆ្ពោះមករកវឌ្ឍនភាពមកដល់ពេលបច្ចុប្បន្ន៕
ខាងក្រោមនេះ ជាលិខិតរំលែកទុក្ខរបស់ព្រឹទ្ធសភា ដែលចុះហត្ថលេខាដោយ លោក នៃ ប៉េណា៖
