(បន្ទាយមានជ័យ)៖ នៅថ្ងៃទី២៤ ខែមីនា ឆ្នាំ២០១៨នេះ លោក សាន ស៊ានហូ អភិបាលក្រុងប៉ោយប៉ែត បានដឹកនាំមន្ត្រីក្រោមឱវាទការិយាល័យ អង្គភាព ស្ថាប័ននានាជុំវិញក្រុង ក្រុមប្រឹក្សាសង្កាត់ទាំង៣ ប្រមាណជា៦០នាក់ រួមទាំងភ្នាក់ងារអង្គភាព Fresh News គឺលោក កែម ចិន្តា ប្រចាំខេត្តបន្ទាយមានជ័យ ធ្វើដំណើរទស្សនកិច្ចឆ្ពោះទៅកាន់ក្រុងផាត់តាយ៉ា ខេត្តឈុនបុរី ប្រទេសថៃ រយៈពេល២ថ្ងៃ។

លោក សាន ស៊ានហូ​​ បានថ្លែងថា ដោយមានការខិតខំប្រឹងប្រែងរិះរកវិធីណាមួយដើម្បីឲ្យក្រុងប៉ោយប៉ែតយើង មានការអភិវឌ្ឍន៍ឆ្ពោះ ទៅមុខកាន់តែខ្លាំង កាន់លឿន ដូច្នេះហើយយើងត្រូវឲ្យមន្ត្រីក្រោមឱវាទ ការិយាល័យ អង្គភាព ស្ថាប័ននានា ក្រុមប្រឹក្សាសង្កាត់ទាំង ៣សង្កាត់ មកដកស្រង់បទពិសោធន៍នានាក្នុងប្រទេសថៃ។

លោក សាន ស៊ានហូ​​ បានបន្តថា «ហេតុតែយើងបានជ្រើសរើសយកខេត្តខាងលើនេះ ព្រោះខេត្តគេមានការអភិវឌ្ឍន៍យ៉ាងលឿនឆាប់រហ័ស និងគ្រប់វិស័យ ហើយយើងដកស្រង់បទពិសោធន៍ទាំងអស់នេះ មកបំរើប្រជាពលរដ្ឋ នៅមូលដ្ឋានរបស់យើង»។

បើតាមការរៀបរាប់ ពីអស់លោក លោកស្រីបានចូលរួមដំណើរទស្សនកិច្ចបានថ្លែងថា ពួកយើងសប្បាយ​ខ្លាំងណាស់ដែល​លោក​ សាន ស៊ានហូ បានយកចិត្តទុកដាក់ចំពោះពួកខ្ញុំ ហើយដំណើរទស្សនកិច្ចនេះ ជាលើក​ទី១សម្រាប់​ពួកយើង។ ហើយយើងទាំងអស់គ្នា និងខិតខំប្រឹងប្រឺងដកយកបទពិសោធនានាក្នុងប្រទេសថៃ ដើម្បីយកទៅអភិវឌ្ឍន៍ប្រទេសរបស់យើង ​និងតាមមូលដ្ឋានរបស់ខ្លួនដែលគ្រប់គ្រោង ហើយយើងយកបទពិសោធនទាំងអស់នេះ ចែករំលែកដល់បងប្អូនប្រជាពលរដ្ឋរផងដែរ​។

ដំណើរទស្សនកិច្ចប្រកបដោយភាពសប្បាយរីករាយស្និតស្នាល និងការទទួលស្វាគមន៍ដោយយកចិត្តទុកដាក់ នូវសេវាពាក់ព័ន្ធតម្រូវការ នៃគណប្រតិភូយើងគឺភាគីថៃ បានសម្រួលឲ្យយ៉ាងឆាប់រហ័សទាំងអស់នេះ គឺដោយសារតែលោក សាន ស៊ានហូ អភិបាលក្រុងប៉ោយប៉ែត មានការទំនាក់ទំនងយ៉ាងស្អិតរមួតជាមួយភាគីថៃ ​«មិត្តភាព សាមគ្គីភាព សហប្រតិបត្តិការណ៍អន្តរជាតិល្អ រវាងរដ្ឋបាលក្រុងប៉ោយប៉ែត និងរដ្ឋបាលស្រុកអរញ្ញប្រៈថេប ខេត្តស្រះកែវ ប្រទេសថៃ»៕