(ភ្នំពេញ)៖ ហាងកាហ្វេល្បីឈ្មោះ ​អារ៉ាប៊ីធា «ARABITIA» ដែលជាហាងកាហ្វទំនើប និងធំជាងគេបំផុតនៅ​កម្ពុជា​ ​ជាបុត្រសម្ព័ន្ធ​របស់ក្រុម​ហ៊ុន CP Group នឹងចាប់ផ្តើមបើកលក់ជាផ្លូវការ ក្នុងពេលឆាប់ៗខាងមុខនេះ ​ដែលជាសាខាទី១៣ នៃហាងកាហ្វេ ​«ARABITIA» ​ដោយមានបំពាក់នូវ​សម្ភារៈទំនើបៗ ប្លែកពីគេ ក្នុងនោះសម្រាប់សាខាទី១៣នេះ គឺចំណាយទុនប្រ​មាណជិត៤០ម៉ឺនដុល្លារអាមេរិក ដើម្បីស្ថាបនា និងរចនាយ៉ាងល្អឥតខ្ចោះ។

ហាងកាហ្វេល្បីឈ្មោះ ​អារ៉ាប៊ីធា «ARABITIA» សាខាថ្មីនេះ មានទីតាំងស្ថិតនៅលើបណ្តោយផ្លូវព្រះនរោត្តម ​​ទល់មុខក្រសួងឧហ្សាហកម្ម និងសិប្បកម្ម ខណៈ​ដើម្បីអបអរសាទរ ការបើកដំណើរការនេះ ហាងកាហ្វេ​នឹងមាន Promotion ជាច្រើន ជូនដល់អតិថិជន។

ជាមួយនឹងការត្រៀមបើកសម្ពោធ សាខាថ្មីនេះ កាហ្វេ អារ៉ាប៊ីធា «​ARABITIA» ​ក៏មាន​នូវប្រម៉ូសិនពិសេសៗ ​គឺ​បញ្ចុះតម្លៃ៣០ភាគរយ និងផ្ដល់ជូនវត្ថុអនុស្សាវរីយ៍ជាច្រើន បន្ថែមទៀត។ ​ប្រម៉ូសិនពិសេសនេះ ធ្វើឡើងចាប់តាំងពី ថៃ្ងទី​២៥ រហូតដល់ ថ្ងៃទី២៩ ខែមីនា ឆ្នាំ ២០១៨ នេះ។ ហាងកាហ្វេ អារ៉ាប៊ីធា «​ARABITIA» មិនត្រឹមតែមានភេសជ្ជៈ គ្រប់មុខមានរសជាតិឆ្ងាញ់ពិសារនោះទេ គឺហាងមានម្ហូបអាហារជាច្រើនមុខ ទាំងបែបអាស៊ី និងបែបអឺរ៉ុប ដើម្បីបម្រើនូវសេវាកម្មអាហារ ជូនដល់លោកអ្នកទៀតផង។

ជាការពិតណាស់ កាហ្វេអារ៉ាប៊ីធា «​ARABITIA» មិនត្រឹមតែប្រកបដោយគុណភាពល្អ និងរសជាតិឆ្ងាញ់ប៉ុណ្ណោះទេ ថែមទាំងជាទីកន្លែងសម្រាកលំហែខួរក្បាល កន្លែងធ្វើការ កន្លែងណាត់ជួប ជជែកកម្សាន្ត ទាំងជាលក្ខណៈមិត្តភាព និងការងារ ផងដែរ។ ​

ហាងកាហ្វេ «Arabitia» គឺជាក្រុមហ៊ុនបុត្រសម្ព័ន្ធ របស់ក្រុមហ៊ុន CP Group របស់​ប្រទេស​ថៃ ដែលបានផ្ដល់នូវ​ការជឿទុកចិត្ត ដល់ក្រុមហ៊ុនកាហ្វេ ប៊ឹស ឯ.ក តាមរយៈការផ្ដល់សិទ្ធិផ្ដាច់មុខ ក្នុងការបើកដំណើរការ និងលក់សិទ្ធិបើកបន្តហាងកាហ្វេ «Arabitia» ក្នុងប្រទេសកម្ពុជា។

​សម្រាប់ព័ត៌មានបន្ថែមពី «​ARABITIA» សូមចូលទៅកាន់ផេកហ្វេសប៊ុក Arabitia CAFE Cambodia និងសម្រាប់ព័ត៌មានពីការទិញ Franchies សូមទាក់ទងលេខ ០១៧ ៧៤៥ ៧៤៥, ០១៥ ៧៤៥ ៧៤៥ , ០១៧ ៧៤៥ ៧៤៥៕