(ភ្នំពេញ)៖ ជាមួយនឹងការកើនឡើង នៃចំនួនអ្នកប្រើប្រាស់យានយន្តនៅក្នុងប្រទេសកម្ពុជា កំពុងពេញនិយមនោះ​ ថ្នាក់ដឹកនាំក្រុមហ៊ុន Denso International Asia បានសម្តែងពីក្តីបារម្ភ និងជំរុញឲ្យម្ចាស់យានយន្តទាំងអស់ មានការប្រុងប្រយ័ត្នខ្ពស់ចំពោះការប្រើប្រាស់គ្រឿងបន្លាស់ រថយន្តក្លែងក្លាយមួយចំនួន ដែលនាំឲ្យមានផលប៉ះពាល់ដល់គុណភាពយានយន្ត។

លោក Kimihiko Osumi​ ដែលជាVice President របស់ក្រុមហ៊ុន Denso International Asia ដែលជាក្រុមហ៊ុនផ្គត់ផ្គង់ឈានមុខគេលើបច្ចេកវិជ្ជា រថយន្តបានថ្លែងថា ការប្រើប្រាស់គ្រឿងបន្លាស់ មិនសុទ្ធល្អ ធ្វើឲ្យម្ចាស់យានយន្ត ខាតពេលវេលា ខាតប្រាក់កាស និងមិនទទួលបានផលិតផល ដែលមានគុណភាពដូចបំណង ហើយផលិតក្លែងក្លាយមួយចំនួន បានក្លែងបន្លំដូចទៅនឹងផលិតផលពិតដែរ។

លោកបន្តថា ក្រុមហ៊ុន Denso គឺជាក្រុមហ៊ុនឈានមុខគេទៅលើគ្រឿងបច្ចេកវិជ្ជាគ្រឿងបន្លាស់រថយន្តដែលបានផ្គត់ផ្គងទៅឲ្យក្រុមហ៊ុនផលិតរថយន្ត ជាច្រើនដូចជា ក្រុមហ៊ុន TOYOTA, HONDA ជាដើម។ ហើយក្រុមហ៊ុន AutoServe Cambodia Ltd គឺជាក្រុមហ៊ុនមួយដែលទទួលបានសិទ្ធិចែកចាយស្របច្បាប់នូវផលិតផល Denso Orignal នៅក្នុងប្រទេសកម្ពុជា។

លោក Kimihiko Osumi បានបន្តថា បច្ចុប្បន្ននេះ មានក្រុមហ៊ុនមួយចំនួនបាននាំចូលផលិតផល Denso ក្លែងក្លាយហើយអះអាងថាពួកគេ ជាអ្នកទទួលបានសិទ្ធិចែកចាយស្របច្បាប់ទៅលើផលិតផល Denso​។ ប៉ុន្តែលោក Osumi​ បានប្រកាសថា ពួកគេកំពុងលក់នូវផលិតផល​ Denso ក្លែងក្លាយ។ ដូច្នេះសូមអ្នកប្រើប្រាស់រថយន្តទាំងអស់​​ អញ្ជើញទិញពីក្រុមហ៊ុន AutoServe ជាមួយផលិតផល Denso Orignal។

លោក Kimihiko Osumi បានបន្តទៀតថា នៅក្នុងឆ្នាំ២០១៧ ក្រុមហ៊ុន Denso បានប្រារព្ធខួបទី២០ នៃប្រភេទប៊ូហ្ស៊ី Iridium។

លោក Steven Sim អ្នកគ្រប់គ្រងការអភិវឌ្ឍអាជីវកម្ម បានថ្លែងថា ពិតជារីករាយណាស់ក្នុងការសហការអាជីវកម្មជាមួយក្រុមហ៊ុន Denso សំរាប់រយៈពេលបាំ្រពីរឆ្នាំកន្លងមកនេះ ហើយយើងសង្ឃឹមថាអតិថិជនទាំងអស់នឹងបន្តការគាំទ្របន្ថែមទៀត។ ជាមួយនឹង​ AutoServe​ ដែលជាក្រុមហ៊ុនផ្គត់ផ្គង់នូវផលិតផល Denso ពិតប្រាដក១០០ភាគរយ តាមរយៈអ្នកទទួលសិទ្ធិចែកចាយស្របច្បាប់ Denso។

លោក Steven Sim បានបន្តថា ជាមួយក្រុមហ៊ុន Autoserve យើងសង្ឃឹមថាអ្នកនឹងពេញចិត្តជាមួយនឹងផលិតផល ដែលមានគុណភាពខ្ពស់ និងសេវាកម្មល្អផងដែរ​៕