(ភ្នំពេញ)៖​ នៅព្រឹកថ្ងៃទី១៤ ខែមីនា ឆ្នាំ២០១៨នេះ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា បាន​អនុញ្ញាត​ឲ្យលោកស្រី Ayda Ünlü ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋតួកគី ចូលជូនសារតាំង និង​សម្តែងការគួរសម ក្នុងឱកាសដែលលោកជំទាវត្រូវបានតែងតាំងជាឯកអគ្គរដ្ឋទូតវិសាមញ្ញ និង​ពេញសមត្ថភាពនៃសាធារណរដ្ឋតួកគី ប្រចាំកម្ពុជា នៅវិមានព្រឹទ្ធសភា។

សូមបញ្ជាក់ថា លោកស្រី Ayda Ünlü ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋតួកគី មកជំនួសតំណែងលោក អ៉ីលហាន កេម៉ាល់ តាគ (H.E.Mr. ILHAN Kemal Tug) ឯកអគ្គរដ្ឋទូតសាធារណរដ្ឋតួគី ដែលត្រូវបានចប់អាណត្តិការងារនៅកម្ពុជា ក្នុងរយៈពេលបេសកកម្មការទូត៤ឆ្នាំនៅកម្ពុជា៕