(ភ្នំពេញ)៖ រឿង «King Selfie ឬកំពូលអ្នកថត Selfie» រៀបរាប់ពីដំណើររបស់ យុវវ័យសម័យបច្ចុប្បន្ន ដែលឈ្លក់វង្វេងនឹងការថតរូប Selfie រហូតបានក្លាយជា តារាតាមទូរទស្សន៍ដ៏ល្បី តែបែរជាបាត់បង់មិត្តភក្តិដ៏ស្និទ្ធ របស់ខ្លួនទៅវិញ។ លោក ខាត់ សម្បត្ដិ កិត្យា (សុភា) ដែលជាពិធីករ នៅខាងក្រៅដែលនោះ បានសម្ដែងងជាតួ King Selfie លើកដំបូងលោក បានបញ្ចេញអស់ពីលទ្ធភាព ទាំងជាតារាសម្ដែងសំខាន់ក្នុងរឿងនេះផង ទាំងជាជនឈ្លក់វង្វេងនឹងខ្លួនឯងផង ហើយក៏ត្រូវទទួលការសងសឹក យ៉ាងចាស់ដៃពីកញ្ញា ឌី សូនីតា (ដែលមានឈ្មោះសុម៉ាលី ក្នុងរឿង) ដែលបោកបញ្ឆោតឲ្យចូលទៅក្នុងបន្ទប់កញ្ចក់ ហើយធ្វើរឿងដែលមិនគួរឲ្យជឿ។
រឿងនេះ បង្ហាញពីការនិយមថតរូប របស់យុវវ័យសម័យថ្មី ដំណើរដែលក្លាយជាតារា ហើយក៏ត្រូវបង្ខំចិត្តធ្វើកិច្ចការមួយចំនួន ដែលខ្លួនមិនចង់ធ្វើរហូតដល់ចំណុចមួយ ដែលមិនអាចបកក្រោយបាន។ នេះជា «Trailer» វិដេអូថ្មីមួយដែលបង្ហាញពីរឿងរ៉ាវមួយចំនួន កើតឡើងដ៏រកាំរកុសក្នុងឆុតឆាកនៃ «King Selfie» ប្រិយមិត្តទស្សនារឿងនេះតាមរោងកុននានា បាននាថ្ងៃទី ២៩ ខែមិនា នេះតទៅ។
អ្នកដឹកនាំសម្ដែង បានថ្លែងបញ្ជាក់ឲ្យដឹងថា ភាពយន្តនេះ និយាយពីតួអង្គម្នាក់ឈ្មោះ សុភា ដែលមានគ្រប់យ៉ាង ដែលយុវវ័យសម័យថ្មីប្រាថ្នាចង់បាន តាំងពីសម្រស់ ភាពវៃឆ្លាត និងការសិក្សាខ្ពស់។ គេព្យាយាមធ្វើខ្លួនឲ្យក្លាយ ជាតារាល្បី។ បញ្ហាតែធំតែមួយគត់របស់គេ គឺញៀននឹងការថតរូបសែលហ្វី។ គេលង់នឹងខ្លួនឯង ហើយជឿថាស្រ្តីៗ ទាំងអស់ដែលបានជួបគេសុទ្ធតែ លង់សេ្នហ៍គេទាំងអស់។ សុភា បានសម្រេចនូវមហិច្ឆតារបស់ខ្លួន តែចំណង់ចំណូលចិត្តថតសែលហ្វី របស់គេធ្វើឲ្យមានបញ្ហា ក្នុងការសម្រេចជោគជ័យ លើការងារដែលគេប្រាថ្នាចង់បាន។ ក្នុងនារីអាថ៌កំបាំងមួយរូប បានបង្ហាញខ្លួន ដើម្បីរកយុត្តិធម៌ឲ្យមនុស្ស ដែលនាងស្រឡាញ់ និងបានផ្តល់មេរៀនមួយដល់សុភា ដែលគេមិនអាចបំភ្លេចបានមួយជីវិត។ ជីវិតរបស់សុភា បានកែប្រែជារៀងរហូត។
ភាពយន្តរឿង «King Selfie ឬកំពូលអ្នកថត Selfieតួ » មានការចូលរួមសម្ដែង ដោយតារាល្បីៗជាច្រើនដួង រួមមាន លោក ខាត់ សម្បត្ដិ កិត្យា, លោក សេង រតនៈ, កញ្ញា ឃុន ចន្ទ័ ម៉ូនណា, កញ្ញា ឌី សូនីតា, កញ្ញា សុវណ្ណ រ៉ាផា, លោក ដាង កុសល ព្រមទាំងតារាប្រុសស្រី ជាច្រើនរូបទៀត៕
