(ភ្នំពេញ)៖ ក្រុមហ៊ុន ECI Distribution ដែលជាក្រុមហ៊ុនឈានមុខគេមួយ នៅក្នុងការនាំចូល និងចែកចាយផលិតផលបច្ចេកវិទ្យា ជាច្រើនម៉ាកមានដូចជា Dell, Lenovo, DJI, Sony Projector, Fuji Xerox, Transcend, APC, Bitdefender, Motorola, ZKT និងឧករណ៍អេឡិកត្រូនិកផ្សេងៗទៀតជាច្រើន ព្រមទាំងផ្តល់ដំណោះស្រាយនានា ផ្នែកបច្ចេកវិទ្យាដ៏ធំបំផុតនៅក្នុងប្រទេសកម្ពុជា បានសហការគ្នាជាមួយក្រុមហ៊ុន Dell EMC រៀបចំនូវពិធីជប់លៀង ជូនដល់ដៃគូរចែកចាយបន្តរបស់ខ្លួន និងបានដាក់បង្ហាញផលិតផលថ្មីៗជាច្រើន នៅថ្ងៃទី០២ ខែមីនា ឆ្នាំ២០១៨។
ការដាក់តាំងបង្ហាញផលិតផលរបស់ក្រុមហ៊ុនទាំងអស់ មានចំនួន០៦ស្តង់ គឺស្តង់បង្ហាញផលិតផល Dell OptiPlex, Latitude, Precision, PowerEdge, Networking, និង Accessories។
លោក ញ៉េប ចន្ថា អគ្គនាយកគ្រប់គ្រងទូទៅ របស់ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) បានឲ្យដឹងថា គោលបំណងសំខាន់នៃការរៀបចំពិធីជប់ លៀងជូនដល់ដៃគូរចែកចាយបន្តនៅពេលនេះ គឺជាការចូលរួមចំណែកមួយដ៏សំខាន់ ក្នុងការចែករំលែកនូវបទពិសោធន៍ថ្មីៗ និងបច្ចេកវិទ្យាទំនើបៗ ដែលមាននៅលើផលិតផលថ្មី របស់ Dell EMC ដែលកំពុងតែមានតម្រូវការខ្លាំងពីសំណាក់អតិថិជន នៅក្នុងទីផ្សារប្រទេសកម្ពុជា ក៏ដូចជាទីផ្សារពិភពលោកទាំងមូលផងដែរ។
មួយវិញទៀត គឺក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) ចង់បង្កើននូវការប្រាស្រ័យទាក់ទងគ្នា ឲ្យបានកាន់តែជិតស្និតមួយកំរិតថែមទៀត រវាងក្រុមហ៊ុនជាមួយតំណាងចែកចាយបន្តនានាទាំងអស់ ដែលពួកគាត់បានខិតខំជួយជំរុញការលក់ផលិតផលនានារបស់ក្រុមហ៊ុន ក៏ដូចជាផលិតផល Dell EMC ឲ្យទទួលបាននូវភាពជោគជ័យ និងមានភាពល្បីល្បាញរហូតមកដល់សព្វថ្ងៃនេះ។
នៅក្នុងព្រឹត្តិការណ៍នេះ ក្រុមហ៊ុនក៏មានធ្វើការលក់ជាកញ្ចប់ ក្នុងតំលៃពិសេសសម្រាប់ភ្ញៀវទាំងអស់ ដែលមានវត្តមានក្នុងកម្មវិធីនេះផងដែរ និងមានការចាប់រង្វាន់ អនុស្សាវរីយ៍ជាច្រើន ជូនដល់តំណាងចែកចាយបន្ត និងភ្ញៀវកិត្តិយសដែលបានអញ្ជើញចូលរួម ក្នុងពិធីដ៏អស្ចារ្យនេះផងដែរ។
សូមជំរាបថា រហូតមកដល់សព្វថ្ងៃនេះ ក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) មានក្រុមហ៊ុនជាដៃគូរសហការ និងក្រុមហ៊ុនចែកចាយបន្តជាច្រើន ដែលមានភាពជឿជាក់លើផលិតផល និងសេវាកម្មរបស់ខ្លួន ហើយតែងតែគាំទ្រផលិតផលរបស់ក្រុមហ៊ុនជានិច្ច នៅស្ទើទូទាំងប្រទេស ហើយក្រុមហ៊ុនជាញឹកញយ តែងតែមានការជួបជុំគ្នាសួរសុខទុក្ខ ជាមួយដៃគូរសហការរបស់ខ្លួន។
ហើយជាចុងក្រោយលោក ញ៉េប ចន្ថា ក៏សូមថ្លែងអំណរអរគុណដល់ដៃគូរទាំងអស់ ដែលតែងតែគាំទ្រនៅផលិតផលក្រុមហ៊ុន អ៊ី ស៊ី អាយ ឌីស្រ្ទីប៊្យូសិន (ECI Distribution) រហូតមក និងជូនពរឲ្យអតិថិជនមានសុខភាពល្អ និងរកស៊ីមានបាន។ ទំនាក់ទំនងក្រុមហ៊ុន៖ No.16. St.290, Toul Svay Prey II, Phnom Penh Tel: (+855-23) 222 121 / (+855-77) 888 187៕
