(ភ្នំពេញ)៖ គូស្វាមីភរិយាមួយគូ នៅខេត្តតាកែវ មានភាពភ្ញាក់ផ្អើលយ៉ាងខ្លាំង ដោយសារលោក អូន ម្ចាស់បទ «រៀបការនឹងបងបានទេ» ឡើងច្រៀងនៅក្នុងពិធីមង្គលការរបស់ខ្លួន កាលពីសប្តាហ៍មុន ទទួលបានចំណងដៃ២លានរៀល ពីស្រាបៀរកម្ពុជា។

លោក ញេន រតនៈ ដែលជាកូនកំលោះ បានថ្លែងថា «ខ្ញុំអត់ដឹងអីទាំងអស់នៅថ្ងៃហ្នឹង! ភ្នួងរៀបចំខ្លូនឲ្យកូនក្រមុំអត់ទាន់ហើយស្រួលបួលទេ ប៉ុន្តែបងថ្លៃខ្ញុំបានហៅខ្ញុំឲ្យចេញមកសិន ព្រោះខាងក្រុមហ៊ុនស្រាបៀរកម្ពុជាចង់ជួប។ ពេលខ្ញុំមកដល់ ខ្ញុំភ្ញាក់ផ្អើលមែនទែន ព្រោះអូនបានចាប់ផ្តើមច្រៀង បន្ទាប់មកក្រុមហ៊ុនក៏ប្រកាសថា មានកាដូពិសេសជាទឹកប្រាក់២លានរៀល ជាចំណងដៃសម្រាប់ខ្ញុំទៀត។ ខ្ញុំសប្បាយចិត្តមែនទែន។ បងប្អូន អ្នកជិតខាងខ្ញុំតែងនិយាយថា ខ្ញុំអីក៏សំណាងម្ល៉េះ! ពេលគាត់ការ មិនដែលមានកាដូអញ្ចឹងទេ»។

ដើម្បីទទួលបានការភ្ញាក់ផ្អើលនេះ គូស្វាមី ភរិយាត្រូវជាវស្រាបៀរកម្ពុជាមកប្រើប្រាស់ក្នុងកម្មវិធីអាពាហ៍ពិពាហ៍របស់ខ្លូន ក្នុងអំឡុងពេលខែកុម្ភៈ រហូតពាក់កណ្តាលខែឧសភា ឆ្នាំ២០១៨។ ក្រុមហ៊ុន នឹងជ្រើសរើសគូស្វាមីភរិយាមួយចំនួន ដើម្បីរៀបចំការភ្ញាក់ផ្អើលនេះជូន៕