(ភ្នំពេញ)៖ សមាគមគ្រឹះស្ថានឧត្ដមសិក្សាកម្ពុជា នៅថ្ងៃទី២៦ ខែកុម្ភៈ ឆ្នាំ២០១៨នេះ បានចេញសេចក្ដីថ្លែងការណ៍មួយ ប្រកាសទទួលស្គាល់នូវលទ្ធផលដែលប្រកាស ដោយគណៈកម្មាធិការជាតិ រៀបចំការបោះឆ្នោត ដែលហៅកាត់ថា គ.ជ.ប សម្រាប់ការបោះឆ្នោតជ្រើសតាំង សមាជិកព្រឹទ្ធសភា នីតិកាលទី៤ ឆ្នាំ២០១៨នេះ។

ចេញសេចក្ដីថ្លែងការណ៍ បានឲ្យដឹងថា នៅក្នុងការបោះឆ្នោតជ្រើសតាំង សមាជិកព្រឹទ្ធសភា នីតិកាលទី៤ ឆ្នាំ២០១៨ សមាគមគ្រឹះស្ថានឧត្ដមសិក្សាកម្ពុជា ដែលគ្រឹះសិក្សាឯកជនចំនួន៩៥ ជាសមាជិក បានចាត់តាំងសមាជិក របស់ខ្លួនចំនួន៤៣នាក់ គ្របដណ្ដប់ពេញការិយាល័យបោះឆ្នោត៣៣ ទូទាំងប្រទេស ដើម្បីធ្វើជាអ្នកសង្កេតការណ៍បោះឆ្នោត។

សមាគមគ្រឹះស្ថានឧត្ដមសិក្សាកម្ពុជា​ បានវាយតម្លៃថា «ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៨ កាលពីថ្ងៃអាទិត្យ ទី២៥ ខែកុម្ភៈ ឆ្នាំ២០១៨ បានប្រព្រឹត្ដិទៅ ដោយរលូន គ្មានហិង្សា ស្ងប់ស្ងាត់ មានសណ្ដាប់ធ្នាប់ល្អ និងស្ថិតនៅក្នុងបរិយាកាសនយោបាយ ប្រជាធិបតេយ្យសេរីពហុបក្ស ដែលគួរជាទីមោទនៈសម្រាប់ប្រទេសជាតិយើង»។

ចេញសេចក្ដីថ្លែងការណ៍ដដែរ បានបញ្ជាក់ថា ស្ថិតនៅក្នុងឱកាសនេះ សមាគមគ្រឹះស្ថានឧត្ដមសិក្សាកម្ពុជា សូមប្រកាសទទួលស្គាល់នូវលទ្ធផល ដែលប្រកាសដោយ គ.ជ.ប សម្រាប់ការ បោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ ឆ្នាំ២០១៧នេះ។

ខាងក្រោមនេះ ជាសេចក្ដីថ្លែងការណ៍ របស់សមាគមគ្រឹះស្ថានឧត្ដមសិក្សាកម្ពុជា៖