(ភ្នំពេញ)៖ នៅឆ្នាំ២០១៧ អ្នកជាប់ឃុំក្នុងពន្ធធនាគារចំនួន​២,០៨០នាក់ ក្នុងនោះស្រីចំនួន​២៤០នាក់ បានទទួលការបណ្ដុះបណ្ដាល​វិជ្ជាជីវៈ និងជំនាញ។ នេះបើយោងតាមរបាយការណ៍ បូកសរុបលទ្ធផលការងារ ប្រចាំឆ្នាំ២០១៧ និងទិសដៅការងារឆ្នាំ២០១៨ របស់អគ្គនាយកដ្ឋានពន្ធនាគារ។

យោងតាមរបាយការណ៍បានឲ្យដឹងទៀតថា ក្នុងការផ្ដល់ការបណ្ដុះបណ្ដាល​វិជ្ជាជីវៈ និងមុខរបរដល់អ្នកជាប់ឃុំជាង​២ពាន់នាក់ បានទទួល​វិញ្ញាបនបត្របញ្ជាក់​ការសិក្សាចំនួន៣៩៧នាក់ ក្នុងនោះមានការបណ្ដុះបណ្ដាលដោយអង្គភាព​ផ្ទាល់ចំនួន​៣១៥នាក់ ស្រី២២នាក់ និងបណ្ដុះបណ្ដាល​ដោយមានកិច្ចសហការជាមួយមជ្ឈមណ្ឌល និងអង្គការ​នានាចំនួន១,​៧៦៥នាក់ ស្រី​២២៣នាក់ ដែលរៀនអំពី​ជំនាញដូចជា៖

១៖ ជំនាញកាត់សក់ ចំនួន​១៦៥នាក់
២៖ ជំនាញសំណង់ស៊ីវិល ចំនួន​១១១នាក់
៣៖ ជំនាញជួសជុលម៉ូតូ ចំនួន​១២៨នាក់
៤៖ ជំនាញអេឡិចត្រូនិក ចំនួន៣០នាក់
៥៖ ជំនាញជួសជុលគោយន្ដចំនួន​១៥នាក់
៦៖ ជំនាញ​កុំព្យូទ័ររដ្ឋបាល ចំនួន​១៤៥នាក់
៧៖ ជំនាញផ្សាដែក ចំនួន​២៦នាក់
៨៖ ជំនាញធ្វើអិដ្ឋបុក ចំនួន​៧នាក់
៩៖ ជំនាញជួសជុលរថយន្ដ ចំនួន​២០នាក់
១០៖ ជំនាញ​ចំលាក់ស្វាដូង ចំនួន៧នាក់
១១៖ ជំនាញ​ចាក់សំណាញ់ ចំនួន​១២នាក់
១២៖ ជំនាញ​ជួសជុលម៉ាស៊ីនដេរ ចំនួន១៥នាក់
១៣៖ ជំនាញជាងឈើ ចំនួន១១០នាក់
១៤៖ ជំនាញជួសជុលម៉ាស៊ីន​ ចំនួន​៧៣នាក់
១៥៖ ជំនាញកាត់ដេរ ចំនួន​១៩៧នាក់ ក្នុងស្រីចំនួន (៨៣នាក់)
១៦៖ ជំនាញសំអាងកាយ ចំនួន​១១៨នាក់ (ស្រី​១១៥នាក់)
១៧៖ ជំនាញបណ្ដាញអគ្គិសនី ចំនួន​២២៨នាក់
១៨៖ ជំនាញ​ថែទាំបរិក្ខារត្រជាក់ ចំនួន​១២១នាក់
១៩៖ ជំនាញរូបភាព-បោះពុម្ភ ចំនួន​១៩នាក់
២០៖ ជំនាញភ្លេងបុរាណ-សម័យ ចំនួន៧នាក់
២១៖ ជំនាញជួសជុលកុំព្យូទ័រ ចំនួន៦០នាក់ (ស្រី​២០នាក់)
២២៖ ជំនាញ​គំនូរ-ដេរប៉ាក ចំនួន១៧​នាក់ (ស្រី១៥នាក់)
២៣៖ ជំនាញរបាំ ចំនួន១៧នាក់ (ស្រី​៦នាក់)
២៤៖ ជំនាញសិប្បកម្ម ចំនួន២២នាក់ (ស្រី​៥នាក់)
២៥៖ ជំនាញធ្វើលបក្ដាម ចំនួន​២៥នាក់
២៦៖ ជំនាញទឹកសុទ្ធ ចំនួន៩នាក់ (ស្រីម្នាក់)
២៧៖ ជំនាញបច្ចេកទេកសិកម្ម ៣៦១​នាក់ (ស្រី៥នាក់)
២៨៖ ជំនាញ​ពេទ្យសត្វ ចំនួន​២៤នាក់៕