(ភ្នំពេញ)៖ នៅថ្ងៃទី៣ ខែកុម្ភៈឆ្នាំ២០១៨នេះ កន្លែងក្មេងលេង ដែលមានដើមកំណើតពីប្រទេសសិង្ហបុរី MoMoPlay LONDON បានបើកសម្ពោធជាផ្លូវការហើយជាមួយនឹងការរៀបចំប្រកបដោយផាសុកភាព ទំនើប មានទីតាំងនៅផ្សារទំនើបសូរិយាជាន់ទី២ ដោយតម្លៃសំបុត្រក្នុងការចូលលេង ត្រឹមតែ១២,០០០រៀលសម្រាប់ថ្ងៃធម្មតា២០,០០០រៀលថ្ងៃចុងសប្តាហ៍ក៏ដូចជាថ្ងៃបុណ្យនានា និង៤,០០០រៀល សម្រាប់អ្នកមើលថែម្នាក់។
លោក គួច សុខលី សា្ថបនិក MoMoPlay LONDON នៅប្រទេសកម្ពុជា បានថ្លែងថា ឆ្លើយតបទៅនឹងតម្រូវការនេះកន្លែងក្មេងលេង MoMo Play ដែលមានដើមកំណើតពីប្រទេសសិង្ហបុរី បានចាប់បើកដំនើរការជាផ្លូវការហើយនៅកម្ពុជា រួមជាមួយការរៀបចំដ៏ស្អាតតាមបែបផែននៃទីក្រុង London ស្របតាមបរិបទទំនើបកម្មដែលប្រកបដោយផាសុកភាព ធានាបាននូវសុវត្ថិភាព លំដាប់ស្តង់ដាខ្ពស់បំផុត។ MoMo Play បានបំពាក់នូវឧបករណ៍ទំនើបៗ សប្បាយៗជាច្រើន ដែលមានដូចជាការជិះឡានកុមារ ក្តាររំអិល កន្លែងរៀបរួប LEGO កន្លែងលេងដីខ្សាច់សប្បនិម្មិត បន្ទប់លេងបៃឡុកបៃឡ និងឧបករណ៍លេងជាច្រើនទៀត។
សា្ថបនិក MoMoPlay LONDON ថ្លែងបន្ដថា «កន្លែងក្មេងលេងដ៏ថ្មីស្រឡាង MoMoPlay LONDON គឺជាពិភពរីករាយមួយ ដែលពោពេញដោយផាសុកភាពសុវត្តិភាពសម្រាប់កុមារ ហើយសប្បាយៗជាច្រើន ដែលអាចជួយពង្រឹងប្រាជ្ញាស្មារតី ក៏ដូចជាអភិវឌ្ឍផ្នែកខួរក្បាលដល់កុមារ»។
ក្នុងកម្មវិធីនោះ MoMoPlay LONDON ក៏បានដាក់បង្ហាញនូវវីដេអូសម្ភាសន៍ ពិធីការនីដ៏ល្បីឈ្មោះមួយរូប ដែលទស្សនិកជនទទួលស្គាល់ថា ជាពិធីការនីតូចច្រលឹង ហើយអាចបត់បែនបានគ្រប់កម្មវិធី នោះគឺអ្នកនាងខៀវ សានសាណា ក្នុងគោលបំណងចែករំលែកនូវបទពិសោធន៍អំពីការផ្តល់ភាពកក់ក្តៅសម្រាប់កូនៗ។
ក្នុងកិច្ចសម្ភាសន៍នោះអ្នកនាងបានបង្ហាញអារម្មណ៍អ្នកម្តាយដែលរវល់ម្នាក់ ស្ទើតែគ្មានពេលវេលាសំរាកសម្រាប់ខ្លួនឯង និងក្រុមគ្រួសារថា ស្រ្តីជំនាន់នេះមិនត្រឹមតែមានតួនាទីជាម្តាយ ជាភរិយា ជាកូនរបស់ឪពុកម្តាយ ថែមទាំងចូលរួមចំនែកក្នុងសង្គមការងារដើម្បីរកថវិកាបន្ថែមសំរាប់ផ្គត់ផ្គង់គ្រួសារ។
មកដល់បច្ចុប្បន្នអ្នកនាងពិតជាសប្បាយចិត្ត ជាមួយនិងភាពជោគជ័យនៅលើវិថីការងារជាពិធីការនីរបស់អ្នកនាង តែផ្ទុយមកវិញភាពជោគជ័យនោះ
គឺមិនបានផ្តល់សេចក្តីគ្រប់គ្រាន់អោយអ្នកនាងឡើយ។ អ្នកនាងបានបញ្ជាក់ថា មិនថាអ្នកនាងជោគជ័យយ៉ាងណានៅខាងក្រៅនោះទេ តែបែរជាគ្មានពេលវេលាសំរាប់គ្រួសារ ជាពិសេសគឺពេលវេលា សម្រាប់ផ្តល់ភាពកក់ក្តៅឲ្យកូនៗ នោះគឺមិនមែនជាសេចក្តីសុខពិតប្រាកដនោះទេ ហើយឃ្លានេះហើយដែលធ្វើអោយអ្នកម្តាយមានចិត្តរំភើប។
សូមទស្សនាវីដេអូ អ្នកនាងខៀវ សានសាណា ខាងក្រោមនេះ៖
