(ភ្នំពេញ)៖ ឱកាសការងារពីក្រុមហ៊ុនធំៗចំនួន៤ នឹងត្រូវបានផ្តល់ជូន សម្រាប់យុវជនសិស្ស/និស្សិត និងអ្នកស្វែងរកការងារធ្វើ ទូទៅនៅក្នុងវេទិកាការងារប្រចាំខែ របស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២៥ ខែមករា ឆ្នាំ២០១៨ ខាងមុខនេះ។
ក្រុមហ៊ុនទាំង៤ ដែលចូលរួមក្នុងវេទិកាការងារនេះ រួមមាន៖ ផ្សារទំនើប Aeon Mall, មីក្រូហិរញ្ញវត្ថុជោគជ័យ, ក្រុមហ៊ុនឆ្នោតមហាសំណាង KPW និងភោជនីដ្ឋាន World Dinning Restaurant។
ក្រុមហ៊ុនទាំង៤នេះ នឹងមកសម្ភាសន៍ ដោយផ្ទាល់ជាមួយនឹង យុវជនសិស្ស/និស្សិត និងអ្នកស្វែងរកការងារចាប់ពីម៉ោង៨:០០ព្រឹក ដល់ម៉ោង៥កន្លះល្ងាច។
ជាការកត់សំគាល់ សម្រាប់ព័ត៌មានបន្ថែមសូមទាក់ទង មជ្ឈមណ្ឌលការងាររាជធានីភ្នំពេញតាមរយៈលេខទូរស័ព្ទ ០១៦ ៧៨៦៦៥៥ ឬគេហទំព័ររបស់ទីភ្នាក់ងារជាតិមុខរបរ និងការងារ www.nea.gov.kh និងទំព័រ facebookneakhmer (អិនអ៊ីអេ ខ្មែរ)ដោយងាយស្រួល៕
