(ភ្នំពេញ)៖ ព្រះករុណា ព្រះបាទ សម្តេចព្រះបរមនាថ នរោត្តម សហមុនី ព្រះមហាក្សត្រនៃកម្ពុជា បានចេញព្រះរាជក្រមប្រកាសឲ្យប្រើ ច្បាប់ស្តីពីហិរញ្ញវត្ថុ សម្រាប់ការគ្រប់គ្រងឆ្នាំ២០១៨ (ច្បាប់ថវិកាជាតិ)។
សូមជម្រាបថា ច្បាប់ថវិកាជាតិនេះ ត្រូវឲបានរដ្ឋសភាអនុម័ត កាលពីថ្ងៃទី១៧ ខែវិច្ឆិកា ឆ្នាំ២០១៧ នាសម័យប្រជុំរដ្ឋសភាលើកទី៩ នីតិកាលទី៥ ហើយត្រូវបានព្រឹទ្ធសភា បានពិនិត្យចប់ កាលពីថ្ងៃទី២៧ ខែវិច្ឆិកា ឆ្នាំ២០១៧ ក្នុងសម័យប្រជុំពេញអង្គរ លើកទី១១ នីតិកាលទី៣៕
