(ព្រះសីហនុ)៖ នៅថ្ងៃទី២៦ ខែធ្នូ ឆ្នាំ២០១៧ ស្ថិតនៅលើផ្លូវជាតិលេខ៤ ចន្លោះគីឡូម៉ែត្រ១២៧-១២៨ ក្នុងភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ មានរថយន្ត១គ្រឿងម៉ាក LAND CRIUSER ពណ៌ខ្មៅ ពាក់ស្លាកលេខ ខ.ម 2-5355 ទៅបុកបុរសម្នាក់ ខណៈកំពុងបើកម៉ូតូបណ្តាលឲ្យរងរបួសធ្ងន់។
សមត្ថកិច្ចបានឲ្យដឹងថា អ្នកបើកបររថយន្តឈ្មោះ ស្រេង សុខលី អាយុ២៤ឆ្នាំ មានទីលំនៅភ្នំពេញ។ មុនពេលកើតហេតុ រថយន្តបានធ្វើដំណើងពីភ្នំពេញ ឆ្ពោះទៅខេត្តព្រះសីហនុ បានបុកម៉ូតូ១គ្រឿង ម៉ាក HONDA WAVE ពណ៌ក្រហម គ្មានស្លាកលេខ បើកបរដោយឈ្មោះ មាស សុខា អាយុ២៤ឆ្នាំ មានទីលំនៅស្រុករមាសហែក ខេត្តស្វាយរៀង ខណៈបើកបរឆ្លងកាត់ផ្លូវពីកើត ទៅលិចបណ្ដាលឲ្យរងរបួសធ្ងន់។
ជនរងគ្រោះត្រូវបានបញ្ជូនទៅព្យាបាល នៅមណ្ឌលសុខភាពស្រុកកំពង់សិលា។ រីឯវត្ថតាងរថយន្ត និងម៉ូតូ ត្រូវបានយកមករក្សាទុកនៅអធិការដ្ឋាននគរបាលស្រុកកំពង់សីលា៕
