(ភ្នំពេញ)៖ ក្រុមគ្រួសារសពលោក អ៊ឹម សិទ្ធី​ អតីតតំណាងរាស្ដ្រមណ្ឌលកំពង់ចាម នៅថ្ងៃទី១៩ ខែធ្នូ ឆ្នាំ២០១៧នេះ ចេញលិខិតថ្លែងអំណរគុណថ្នាក់ដឹកនាំ មន្ដ្រីរាជការ លោក លោកស្រី និងញាតិមិត្តជិតឆ្ងាយទាំងអស់ ដែលបានចូលរួមគោរពវិញ្ញាក្ខន្ធសពលោក អ៊ឹម សិទ្ធី។

ពិធីបុណ្យសពរបស់លោក អ៊ឹម សិទ្ធី មានការអញ្ជើញចូលគោរពវិញ្ញាក្ខន្ធ ពីសំណាក់ថ្នាក់ដឹកនាំប្រទេស និងមន្ដ្រីរាជការយ៉ាងច្រើន​ ហើយក្រៅពីនេះថ្នាក់ដឹកនាំជាច្រើននាក់ បានផ្ញើសារចូលរួមរំលែកទុក្ខក្រុមគ្រួសាររបស់លោក តាមរយៈអង្គភាព Fresh News ផងដែរ។

គួររំលឹកថា លោក អ៊ឹម សិទ្ធី អតីតសមាជិកគណៈកម្មាធិការនីតិកម្ម និងយុត្តិធម៌ នៃរដ្ឋសភា បានទទួលមរណភាព កាលពីម៉ោង៤៖៤៥នាទី ព្រឹកថ្ងៃស្រុក ០៥ រោច ខែមិគសិរ ពស ២៥៦១ ត្រូវនឹងថ្ងៃទី០៨ ខែធ្នូ ឆ្នាំ២០១៧ ក្នុងជន្មាយុ៧០ឆ្នាំ ដោយរោគាពាធ៕