(បរទេស)៖ នៅថ្ងៃសៅរ៍ ទី១៦ខែធ្នូ ឆ្នាំ២០១៧នេះ ព្រឹត្តិការណ៍អន្តរជាតិសំខាន់ៗ ជាច្រើនបានកើតឡើង រួមមានទាំងព្រឹត្តិការណ៍នយោបាយ និងស្ថានការណ៍ទូទាំងសកលលោកដ៏គួរឲ្យចាប់អារម្មណ៍ជាច្រើន។ ដូច្នេះបើចង់ដឹងថា តើព្រឹត្តិការណ៍រូបភាពប្រចាំថ្ងៃនេះមានអ្វីខ្លះនោះ សូមទស្សនាដូចខាងក្រោម៖
១៖ គ្រោះរញ្ជួយដីកក្រើកផ្ទួនៗ ក្នុងនោះកម្រិតខ្ពស់បំផុតរហូតដល់ ៧.៣រ៉ិចទ័រ វាយប្រហារឥណ្ឌូណេស៊ី និងផ្តាច់ជីវិតមនុស្ស កើនដល់យ៉ាងតិច០៣នាក់ និងបំផ្លាញទ្រព្យសម្បត្តិជាច្រើនទៀត។
២៖ អគ្គលេខាធិការអង្គការសហប្រជាជាតិ និងក្រុមប្រឹក្សាសន្តិសុខ UN បង្ហាញក្តីព្រួយជាខ្លាំង អំពីហានិភ័យកាន់តែខ្ពស់ឡើងនៃការប្រឈមមុខដាក់គ្នាផ្នែកកម្លាំងយោធា នៅលើឧបទ្វីបកូរ៉េ។
៣៖ ប្រជាជនអាមេរិក នាំគ្នាចូលរួមសម្តែងក្តីគោរពជាលើកចុងក្រោយ ចំពោះអភិបាលអាស៊ី-អាមេរិកដំបូងបំផុតនៃទីក្រុង San Francisco ដែលបានទទួលមរណភាពភ្លាមៗ នាដើមសប្តាហ៍នេះ ក្នុងវ័យ៦៥ឆ្នាំ។
៤៖ កាតាប្រារព្ធពីធីហាត់សមព្យុហយាត្រាយោធា ដើម្បីត្រៀមសម្រាប់ថ្ងៃបុណ្យជាតិ ដែលនឹងប្រព្រឹត្តទៅនាថ្ងៃទី១៨ ខែធ្នូខាងមុខនេះ។
៥៖ ថ្លែងនៅចំពោះមុខក្រុមអ្នកសារព័ត៌ ក្នុងបរិវេណសេតវិមាន ប្រធានាធិបតី ដូណាល់ ត្រាំ មិនបដិសេធចំពោះការលើកលែងទោស ដល់លោក Michael Flynn ដែលជាអតីតទីប្រឹក្សាសន្តិសុខជាតិរបស់លោកផ្ទាល់នោះឡើយ។
៦៖ ផ្ទុះព័ត៌មានដ៏កក្រើក ពាក់ព័ន្ធការប្រហារជីវិត អ្នកមានអំណាចធំលំដាប់ទី២ នៅកូរ៉េខាងជើង ដែលជាបញ្ជារបស់ប្រមុខដឹកនាំកំពូលផុតលេខ លោក គីម ជុងអ៊ុន។
៧៖ ទីបំផុតក្រុមហ៊ុន SpaceX សម្រេចជោគជ័យធំ លើគំរោងប្រើប្រាស់ឡើងវិញ នៃយានដឹកទំនិញចាស់ៗ ទៅទីអវកាស៕
