(បន្ទាយមានជ័យ)៖ នៅល្ងាចថ្ងៃទី០២ ខែធ្នូ ឆ្នាំ២០១៧ មន្ត្រីគយចល័តសាខាគយ និងរដ្ឋាករច្រកទ្វារអន្តរជាតិប៉ោយប៉ែត បានចាប់រថយន្តគ្មានពន្ធចង្កូតស្តាំ ១គ្រឿង នៅចំណុចភូមិក្បាលស្ពាន សង្កាត់-ក្រុងប៉ោយប៉ែត ដែលឈ្មួយព្យាយាមលួចនាំចូលមកតាមច្រករបៀង។
លោក ហ៊ុយ សុជាតិ ប្រធានការិយាល័យគយ និងរដ្ឋាករច្រកទ្វារអន្តរជាតិប៉ោយប៉ែត បានថ្លែងប្រាប់ថា មន្ត្រីគយចល័តរបស់យើង ដែលមាន លោកសាំង ណនអនុប្រធានការិយាល័យគយ និងរដ្ឋាករ ទទួលបន្ទុកប្រធានក្រុមគយចល័ត បានតាមប្រមាញ់នៅរថយន្តទំនើបៗ ដែលបានឈ្មួញខិលខូចលួចនាំយកតាមច្រករបៀង ឬតាមទីតាំងណាមួយរបស់គាត់ ។
លោកបានបន្តថា បញ្ហាខាងលើនេះ គឺកម្លាំងមន្ត្រីជំនាញបានត្រួតពិនិត្យ រថយន្តចង្កូតស្តាំនាំចូលតាមច្រករបៀង ដែលបង្កឱ្យបាត់បង់ចំណូលពន្ធ ហើយក្នុងឆ្នាំនេះដែរ គឺសង្កេតឃើញថា ក្រុមឈ្មួញអាជីវករបានយល់បញ្ហាបង់ពន្ធចូល ហើយពុំសូវមានលួចនាំយករថយន្តចង្កូតស្តាំគេចពន្ធទៀតដែរ ។
លោកបន្តថា ដូច្នេះហើយមន្ត្រីជំនាញយើង នៅតែបន្តការត្រួតពិនិត្យបន្ថែមទៀត និងឈានដល់ការអនុវត្តអោយបាន១០០ភាគរយ៕
