(ស្ទឹងត្រែង)៖ កម្លាំងនគរបាលខេត្តស្ទឹងត្រែង បានបើកប្រតិបត្តិការបង្ក្រាបមេក្លោងជួញដូរគ្រឿង ជនជាតិឡាវម្នាក់ រួមជាមួយថ្នាំញៀនជាង២គីឡូក្រាម។
ប្រតិបត្ដិការនេះត្រូវបានធ្វើនៅរសៀលថ្ងៃទី០១ ខែធ្នូ ឆ្នាំ២០១៧នេះ នៅចំណុចកោះឫស្សី ឃុំសន្តិភាព ស្រុកសៀមប៉ាង ដោយកម្លាំងជំនាញប្រឆាំងគ្រឿងញៀន នៃស្នងការនគរបាលខេត្ត។
ស្នងការនគរបាលខេត្តស្ទឹងត្រែង លោកឧត្តមសេនីយ៍ ម៉ៅ តារា បានឲ្យដឹងថា មេក្លោងជនជាតិឡាវ រួមជាមួយថ្នាំញៀន២កញ្ចប់ធំ ស្មើនឹងជាង២គីឡូក្រាមនោះ ឈ្មោះ សូរិយាវង់ប៉ក់ អាយុ២៨ឆ្នាំ។
បច្ចុប្បន្នជនសង្ស័យនិងវត្ថុតាងកំពុង រក្សាទុកនៅស្នងការដ្ឋាន ដើម្បីកសាងសុំណុំរឿងតាមនិតិវិធីបញ្ជូនទៅសាលាដំបូងខេត្តផ្តន្ទាទោសតាមច្បាប់៕
