(ក្រចេះ)៖ សិស្សសាលាប្រមាណជិត១០នាក់ បានដួលសន្លប់បន្តបន្ទាប់ មិនទាន់ដឹងមូលហេតុខណៈក្រុមគ្រូពេទ្យ បានចេញជួយអន្ដរាគមន៍ជួយសង្គ្រោះភា្លមៗផងដែរ។ ហេតុការណ៍នេះកើតឡើង នៅព្រឹកថ្ងៃទី០១ ខែធ្នូ ឆ្នាំ២០១៧ នៅចំណុចវិទ្យាល័យហ៊ុន សែន សម្ភបុរៈ ស្ថិតនៅភូមិសំបូរ ឃុំសំបូរ ស្រុកសំបូរ។
មន្ដ្រីគរបាលស្រុកសំបូរ បានបញ្ជាក់ថា ករណីនេះដំបូងមានសិស្សស្រីចំនួន២នាក់ ដួលសន្លប់ ហើយក្រោយមកក៏ដួលសន្លាប់ ជាបន្ដបន្ទាប់រហូតដល់ទៅ៩នាក់ ដែលមានអការៈខ្សោយ ថប់ដង្ហើម ហើយត្រូវបានលោកគ្រូ និងនាយកសាលា យកទៅសង្គ្រោះនៅមណ្ឌលសុខភាពទាន់ពេល។
នគរបាលបន្តទៀតថា សិស្សសាលាដែលដួលសន្លប់ទាំង៩នាក់នោះ គឺសិស្សស្រីទាំងអស់ ហើយក្រោយពេលបានជួយសង្គ្រោះ សិស្សានុសិស្សទាំងអស់នោះ បានធូស្រាលឡើងវិញហើយ៕
