(សៀមរាប)៖ អតីតសមាជិកក្រុមប្រឹក្សាឃុំ និងបេក្ខជនបម្រុង ក្នុងខេត្តសៀមរាប សរុប១៤នាក់ទៀត របស់គណបក្សសង្គ្រោះជាតិ ដែលទើបរលាយបានប្រកាសចុះចូលជាមួយគណបក្សប្រជាជនកម្ពុជា ដោយសារតែពួកគាត់បានឃើញ នូវអំពើក្បត់ជាតិរបស់មេគណបក្សសង្គ្រោះជាតិ ដែលបម្រើបរទេស។ នេះបើតាមលិខិតដែលអង្គភាព Fresh News ទទួលបាននៅថ្ងៃទី២៤ ខែវិច្ឆិកា ឆ្នាំ២០១៧នេះ។
ការសម្រេចដើរចេញរបស់ អតីតមន្រ្តីគណបក្សសង្រ្គោះជាតិទាំង១៤រូបនេះ បានធ្វើឡើងបន្ទាប់ពីតុលាការកំពូល បានកាត់រំលាយគណបក្សសង្រ្គោះជាតិ ដែលពាក់ព័ន្ធនឹង ការប្រព្រឹត្តអំពើក្បត់ជាតិ ព្រមទាំងបានហាមឃាត់សមាជិកជាន់ខ្ពស់របស់គណបក្សនេះ ចំនួន១១៨រូប មិនឱ្យធ្វើនយោបាយ រយៈពេល៥ឆ្នាំផងដែរ កាលពីថ្ងៃទី១៦ ខែវិច្ឆិកា ឆ្នាំ២០១៧។
អតីតមន្ដ្រីគណបក្សសង្គ្រោះជាតិទាំង១៤រូបនេះ រួមមាន៖
ទី១៖លោក ធួក ចំរើន អតីតបេក្ខជនសមាជិកក្រុមប្រឹក្សាស្រុកស្វាយលើ
ទី២៖លោក ម៉ៃ លី អតីតបេក្ខជនបម្រុងឃុំដូនកែវ ស្រុកពួក
ទី៣៖លោក ម៉ែន សារុន អតីតបេក្ខជនបម្រុងឃុំស្រែខ្វាវ ស្រុកអង្គរជុំ
ទី៤៖លោក ស្វិញ ស្វិស អតីតបេក្ខជនបម្រុងឃុំជ្រោយនាងនួន ស្រុកស្រីស្នំ
ទី៥៖លោក លាំ តុង អតីតបេក្ខជនបម្រុងឃុំប្រីយ៍ ស្រុកស្រីស្នំ
ទី៦៖លោក ថាំង សៀកហៀត អតីតបេក្ខជនបម្រុងឃុំស្លែងស្ពាន ស្រុកស្រីស្នំ
ទី៧៖លោក ប៊ូ ប៊ុនហឿន អតីតបេក្ខជនបម្រុងឃុំអន្លងសំណរ ស្រុកជីក្រែង
ទី៨៖លោក ហ៊ិម វ៉ា អតីតបេក្ខជនបម្រុងឃុំរើល ស្រុកពួក
ទី៩៖លោក ស៊ឺ កាត់ អតីតបេក្ខជនបម្រុងឃុំលាងដៃ ស្រុកអង្គរធំ
ទី១០លោក សេង សូផាត អតីតបេក្ខជនបម្រុងឃុំជ្រោយនាងងួន ស្រុកស្រីស្នំ
ទី១១៖លោកស្រី នូ សុផល អតីតបេក្ខជនបម្រុងឃុំមានជ័យ ស្រុកប្រាសាទបាគង
ទី១២លោក ក្រាក់ ភាព អតីតបេក្ខជនបម្រុងឃុំបាគង ស្រុកប្រាសាទបាគង
ទី១៣៖លោក ភន់ ភាព អតីតបេក្ខជនបម្រុងឃុំកន្ទ្រាំង ស្រុកប្រាសាទបាគង
ទី១៤៖លោក ភើយ ក្រួច អតីតបេក្ខជនបម្រុងឃុំបល្ល័ង្ក ស្រុកប្រាសាទបាគង
គណបក្សប្រជាជនកម្ពុជាខេត្តសៀមរាប បានប្រកាសស្វាគមន៍ និងទទួលសមាជិកសមាជិកាថ្មី មកពីអតីតគណបក្សសង្គ្រោះជាតិទាំង១៤រូបនោះ ដែលសុំចូលរួមរស់ជីវភាពនយោបាយជាមួយ គណបក្សប្រជាជនកម្ពុជា បន្ទាប់ពីបានជ្រួតជ្រាបនូវអំពើក្បត់ជាតិរបស់មេបក្សខ្លួន។
សូមជម្រាបថា ដោយសារតែសន្ទុះនៃការសម្រុកចុះចូលបាននិងកំពុងកើនឡើងយ៉ាងខ្លាំង ហើយម្យ៉ាងទៀតថ្ងៃកំណត់ទី២៤ ខែវិច្ឆិកា អាចមានការរៀបចំមិនទាន់ ដូច្នេះសម្ដេចតេជោ ហ៊ុន សែន នាយករដ្ឋមន្រ្តី នៃកម្ពុជា បានប្រកាសផ្តល់ឱកាសបន្តជូនមន្រ្តីគណបក្សសង្គ្រោះជាតិ នៅថ្នាក់មូលដ្ឋានទាំងអស់ មកចូលរួមជីវភាពនយោបាយ ជាមួយគណបក្សប្រជាជន រហូតដល់ម៉ោង៩យប់ ថ្ងៃទី២៦ ខែវិច្ឆិកា ឆ្នាំ២០១៧។
សម្តេចតេជោ ហ៊ុន សែន បានអំពាវនាវឲ្យអតីតមន្រ្តីគណបក្សសង្រ្គោះជាតិ ដែលត្រូវបានតុលាការកំពូលកាត់រំលាយ សូមប្រញាប់ប្រញាល់ចុះចូលជាមួយ គណបក្សប្រជាជនកម្ពុជា ដើម្បីទទួលបាននូវតួនាទីឋានៈអ្វីៗដដែល ព្រោះការកំណត់ពេលវេលាត្រឹមយប់ថ្ងៃទី២៦នេះ ធ្វើឡើងតាមលក្ខខណ្ឌរបស់គ.ជ.ប៕
