(ព្រះសីហនុ)៖ នៅថ្ងៃទី២៣ ខែវិច្ឆិកា ឆ្នាំ២០១៧នេះ មានអតីតបេក្ខជនបម្រុងសង្កាត់លេខ១ ក្រុងព្រះសីហនុ ខេត្តព្រះសីហនុ ចំនួន៧រូបទៀតហើយ របស់គណបក្សសង្គ្រោះជាតិ ដែលទើបរលាយ បានប្រកាសចុះចូលជាមួយគណបក្សប្រជាជនកម្ពុជា ដោយសារតែពួកគាត់បានឃើញនូវអំពើក្បត់ជាតិរបស់មេគណបក្សសង្គ្រោះជាតិ ដែលបម្រើបរទេស។ នេះបើតាមលិខិតដែលអង្គភាព Fresh News ទទួលបាននៅថ្ងៃទី២៣ ខែវិច្ឆិកានេះ។
ការសម្រេចដើរចេញរបស់អតីតមន្រ្តីគណបក្សសង្រ្គោះជាតិទាំង៧រូបនេះ បានធ្វើឡើងបន្ទាប់ពីតុលាការកំពូល បានកាត់ទោសរំលាយគណបក្សសង្រ្គោះជាតិ ដែលពាក់ព័ន្ធនឹង ការប្រព្រឹត្តអំពើក្បត់ជាតិ ព្រមទាំងបានហាមឃាត់សមាជិកជាន់ខ្ពស់របស់គណបក្សនេះ ចំនួន១១៨រូប មិនឱ្យធ្វើនយោបាយ រយៈពេល៥ឆ្នាំផងដែរ កាលពីថ្ងៃទី១៦ ខែវិច្ឆិកា ឆ្នាំ២០១៧។
អតីតមន្ដ្រីគណបក្សសង្គ្រោះជាតិទាំង៧រូប ដែលបានសុំចុះចូលទៀតនេះរួមមាន៖
ទី១ ឈ្មោះ អាំង ផល្លា
ទី២ ឈ្មោះ រាំង រ័ត្នធានី
ទី៣ ឈ្មោះ អាំង សុគន្ធា
ទី៤ ឈ្មោះ ហាន សុខហេង
ទី៥ ឈ្មោះ ឯក វិជ្ជា
ទី៦ ឈ្មោះ ទូច ង៉ែត
និងទី៧ឈ្មោះ នូ សម្បត្តិ។
ខាងក្រោមនេះជាលិខិតសុំចុះចូលរបស់អតីតមន្ដ្រីគណបក្សសង្គ្រោះជាតិទាំង៧រូប៖
