(ភ្នំពេញ)៖ កម្មវិធី ALOHA Meantal ជាកម្មវិធីជំនួយស្មារតីកុមារឲ្យចេះចាំ និងដោះស្រាយលំហាត់គណិតវិទ្យាបានរហ័ស និងស្ទាត់​ជំនាញ បានលេចវត្តមាន នៅក្នុងសាលាបង្រៀនមួយ ដែលមានឈ្មោះថា «សាលាអប់រំកុមារឆ្នើមកម្ពុជា»។ កម្មវិធីនេះត្រូវបានរៀបចំឡើងយ៉ាងពិសេសសម្រាប់កុមារ ដែលមានអាយុចន្លោះពី៥-១៣ឆ្នាំ។

ថ្លែងក្នុងកម្មវិធីសន្និសីទកាសែត ចុះអនុស្សនៈយោគយល់គ្នារវាង ALOHA Mental Arithmetic លោក អ៊ូច អានភក្តី នាយកសាលាអប់រំកុមារឆ្នើមកម្ពុជា បានឲ្យដឹងថា កម្មវិធីនេះនឹងជួយជំរុញឲ្យកុមារផ្ចង់ស្មារតីបានល្អ គិតលេខឆាប់រហ័ស​តាមបែប​ឧបករណ៍ គិតលេខសម័យបុរាណ ដោយមិនចាំបាច់ត្រូវការឧបករណ៍ ជំនួយនោះឡើយ។

លោកបន្ដទៀតថា កុមារកម្ពុជាទាំងអស់នឹងទទួលបាន ការអប់រំនៃវិធីសាស្រ្ដបង្រៀននេះបានយ៉ាងល្អ ធ្វើឲ្យកុមារមានខួរក្បាល​ឆ្លាតវៀងវៃ គិតលេខបានរហ័ស និងត្រឹមត្រូវ។

ដោយឡែក អ្នកស្រី Kiran Motwani នាយកសាលកម្មវិធីអាឡូហាអន្តរជាតិ បានឲ្យដឹងថា មុខវិជ្ជាគណិតវិទ្យានេះ ជាមុខវិជ្ជាមួយ​ដែលលំបាក និងទាមទារឲ្យសិស្ស-និស្សិតទាំងអស់ ដោះស្រាយលំហាត់យ៉ាងស្មុគស្មាញ។ ប៉ុន្ដែនៅពេលដែលសាលាបានបញ្ជូល​កម្មវិធី​នេះ នៅក្នុងប្រព័ន្ធសិក្សាសិស្សនុសិស្សទាំងអស់ នឹងទទួលបានការអប់រំប្រកបដោយសមត្ថភាពខ្ពស់ ធ្វើឲ្យខួរក្បាលទាំងសងខាងរបស់​កុមារតូចៗ ​មានការគិតពិចារណាបានស្មើៗគ្នា និងប្រកបដោយប្រសិទ្ធភាព ភាពក្លាហាន និងមានការវិភាគខ្ពស់។

កម្មវិធី ALOHA Mental ជាកម្មវិធីធ្វើឲ្យខួរក្បាលទាំងសមខាង (ទាំងឆ្វេង និងស្ដាំ) មានដំណើរការស្មើគ្នាដែលជាលទ្ធផលវានឹងជួយឲ្យកុមារ មានការគិតកាន់តែមានប្រសិទ្ធភាព និងប្រសិទ្ធភាព។ កុមារដែលបានបញ្ចប់ការសិក្សារបស់ កម្មវិធី ALOHA Mentail Arithmetic នេះបានបង្ហាញជាភស្ដុតាងយ៉ាងច្បាស់ថា ពួកគេមានការផ្ចង់អារម្មណ៍ខ្ពស់ សមត្ថភាពក្នុង
ការរៀនសូត្រកើនឡើង និងជំនាញក្នុងការគិតវិភាគ ថែមទាំងមានសមត្ថភាពក្នុងការ សិក្សាគណិតវិទ្យាបានយ៉ាងល្អ។

តាមរយៈកម្មវិធីនេះ មិនត្រឹមតែជួយជំរុញកុមារ ក្នុងដោះស្រាយលំហាត់គណិតវិទ្យាបានល្អ និងលឿននោះទេ ប៉ុន្ដែវាក៏បានជួយ​បង្កើនសមត្ថភាព រៀបបានគ្រប់មុខវិជ្ជាទាំងអស់ថែមទៀតផង។ កុមារអាចរៀនផ្ចង់អស្មារតីបានល្អជាងមុន ធ្វើកិច្ចការសាលាបានលឿន​ បង្កើនសមត្ថភាពក្នុងការដោះស្រាយបញ្ហាបានយ៉ាងមានប្រសិទ្ធភាព មានភាពក្លាហាន និងមានទំនុក​ចិត្តក្នុងខ្លួន។

អត្ថប្រយោជន៍ច្រើនយ៉ាង ដែលសិស្សទទួលបានពីកម្មវិធី ALOHA Mental Arithmetic រួមមាន៖ ដោះស្រាយលំហាត់គណិតវិទ្យា​បានរហ័ស និងសុក្រិតត្រឹមត្រូវ, មានសមត្ថភាពក្នុងការផ្ចង់អារម្មណ៍ និងការយកចិត្តទុកដាក់, មានភាពច្នៃប្រឌិត និងសមត្ថភាពក្នុងការគិតក្នុងចិត្ត, ជំនាញស្ដាប់ និងអង្កេតតាមដាន, មានសមត្ថភាពក្នុងការចងចាំ និងជំនាញសម្របខ្លួនក្នុងអវកាស, មានទំនុកចិត្តក្នុងខ្លួន និងជំនាញវិភាគ។

សូមបញ្ជាក់ថា កម្មវិធី ALOHA Mentail Arithmetic នេះត្រូវបានបង្កើតឡើងក្នុងប្រទេសម៉ាឡេស៊ី ក្នុងឆ្នាំ១៩៩៣ ដោយបង្កើត​ដោយលោក Loh Mum Sung ​រហូតមកដល់បច្ចុប្បន្នមានជាង៣៥ប្រទេសនៅទូទាំងពិភពលោក មានជាង៤០០០សាខា មានសិស្សជាង៤លាននាក់៕