(ភ្នំពេញ)៖ បច្ចុប្បន្ន ទូរទស្សន៍ភាគច្រើន ត្រូវបានរចនាឡើង ដើម្បីកាត់បន្ថយទំហំទីតាំងទុកដាក់វា បើមើលពីខាងក្រៅ ក្នុងរយៈពេលជាច្រើនទសវត្សរ៍មកនេះ ហើយការរចនាទូរទស្សន៍ ហាក់ដូចជា មានការផ្លាស់ប្តូរតិចតួច ប៉ុន្តែបើសិក្សាឲ្យបានច្បាស់ វាមានការប្រែប្រួលយ៉ាងខ្លាំងច្រើន ដើម្បីស្របតាមជីវភាពរបស់នៅទាន់សម័យ របស់អ្នកប្រើប្រាស់, ខាងក្រោមនេះ ជាដំណើរ វិវត្តនៃការរចនាប្រកបដោយភាពច្នៃប្រឌិត ហើយនឹងនៅតែបន្តអភិវឌ្ឍឥតឈប់ឈរ។

រូបរាងទូរទស្សន៍បង្កើតដំបូងបំផុត ទូរទស្សន៍ដំបូងគេមានរូបរាងធំតែអេក្រង់តូច វាគឺជារបកគំហើញ នៃបច្ចេកវិទ្យាផ្សព្វផ្សាយ ដំបូងដែលគ្មានភាពឡូយឆាយអ្វីទាំងអស់ ដែលត្រូវបានបង្កើតឡើង នៅខ្ទង់ឆ្នាំ១៩៣០ ក្នុងខ្ទង់ឆ្នាំ១៩៥០ នៅតាមគេហដ្ឋាន ជាងពាក់កណ្តាលនៅអាមេរិក សុទ្ធតែមានបំពាក់នូវទូរទស្សន៍ នៅកណ្តាលបន្ទប់ទទួលភ្ញៀវ ពេលនោះទំហំអេក្រង់ទូរទស្សន៍ ក៏ត្រូវបានពង្រីកឲ្យធំជាងមុន តែវាត្រឹមជាទូរទស្សន៍សខ្មៅប៉ុណ្ណោះ។

រហូតដល់ខ្ទង់ឆ្នាំ១៩៧០ ទើបទូរទស្សន៍ពណ៌ ត្រូវបានពេញនិយមប្រើប្រាស់ ចាប់ពីពេលនោះ ទូរទស្សន៍ក៏មានការបង្កើតនូវបច្ចេកវិទ្យាថ្មីៗ រហូតដល់ការអភិវឌ្ឍផ្នែករចនារូបរាងឲ្យអេក្រង់ធំ គុណភាពរូបភាពកាន់តែច្បាស់ និងមានរាងកាន់តែស្លីមជាដើម។

រូបរាងទូរទស្សន៍ សម្រាប់ទសវត្សទី២១ អ្នករចនាទូរទស្សន៍ល្បីៗ ដូចជានៅក្រុមហ៊ុនសាមសុង សុទ្ធតែមានក្រុមការងារពហុជំនាញ ដែលស្រាវជ្រាវវិភាគអំពីការរចនា និងគំនិតច្នៃប្រឌិតថ្មី។ ពួកគេស្រាវជ្រាវដោយផ្អែកលើ ការរចនាផ្ទៃខាងក្នុង ចំណូលចិត្ត និងទម្លាប់នៃការទស្សនា ព្រមទាំងការសង្កេតអំពី ការផ្លាស់ប្តូរនៃទម្លាប់ទាំងនោះ។

លោក Lee Kyu Bok ដែលកំពុងបម្រើការ នៅក្រុមហ៊ុនសាមសុងប្រទេសកូរ៉េ បានថ្លែងថា «ដើម្បីអភិវឌ្ឍចេញជាទូរទស្សន៍ QLED TV យើងបានសិក្សាពីការរចនា គេហដ្ឋាន និងបរិស្ថានរបស់អ្នកប្រើប្រាស់ក្នុងតំបន់ផ្សេងៗគ្នា។ យើងបានធ្វើការសិក្សាជាមួយ ក្រុមហ៊ុនសាមសុងនៃប្រទេសដទៃ ដើម្បីបង្កើតបានជាការវិភាគដ៏លម្អិត»។

ការរចនាទូរទស្សន៍សម្រាប់ថ្ងៃអនាគត ក្រុមការងារបានបង្កើតនូវទូរទស្សន៍ QLED TV ដែលមានការរចនាស្អាតបែបសាមញ្ញ ជាមួយបច្ចេកវិទ្យាទំនើបឈានមុខគេ ព្រមទាំងផ្តល់នូវភាពបន់បែន សម្រាប់ការរចនា។ ក្រុមការងារបានរកឃើញវិធីច្រើនយ៉ាង ក្នុងការរចនាប្រភេទទូរទស្សន៍ QLED TV ដោយភ្ជាប់វាជាមួយបរិស្ថាន ហើយលាក់បំបាំងផ្នែកមុខងាររបស់វា។

លោក Lee បានថ្លែងថា «ដំបូងយើងបានជ្រើសរើសវត្ថុធាតុដើម ដែលស៊ីគ្នាជាមួយពណ៌ឈើ និងពណ៌ស ដែលជាពណ៌ពេញនិយមបំផុតសម្រាប់ការរចនាផ្ទៃខាងក្នុង។ យើងក៏បានរចនា អេក្រង់រាបស្មើរហូតដល់គែម ហើយជើងទម្រទូរទស្សន៍ ក៏ត្រូវបានបង្កប់ក្នុងទូរទស្សន៍ ដូច្នេះ វាមើលទៅហាក់ដូចជាគំនូរនៅលើជញ្ជាំងអ៊ីចឹង»។

ប្រភេទទូរទស្សន៍ QLED TV មានម៉ូដែល Q7, Q8 និង Q9។ ចំណែកការរចនាឈុតទូរទស្សន៍ ជំនាន់ថ្មីនេះ មាន24 ម៉ូត សម្រាប់ទំហំ និងជើងទម្រផ្សេងៗគ្នា។ ទូរទស្សន៍ប្រភេទនេះ មានប្រអប់ One Connect Box ជាមួយនឹងខ្សែថ្លាទំហំ 1.8 មីលីម៉ែត្រ និងប្រវែង 16 ហ្វីត ដូច្នេះ មានន័យថា អ្នកមិនចាំបាច់ភ្ជាប់ខ្សែរញ៉េរញ៉ៃនៅខាងក្រោមទូរទស្សន៍ទេ ព្រោះអ្នកអាចភ្ជាប់ ឧបករណ៌ផ្សេងៗតាមរយៈ One Connect Box៕