(ភ្នំពេញ​)៖​ យោង​តាម​របាយ​ការណ៍ ​ពី​នាយកដ្ឋាន​ចរាចរណ៍​ និង​សណ្តាប់ធ្នាប់​សាធារណៈ ​នៃ​អគ្គស្នងការដ្ឋាន​នគរបាល​ជាតិ​ បាន​ឲ្យ​ដឹង​ថា​ នៅ​ថ្ងៃ​ទី​១៧​ ខែវិច្ឆិកា​ ឆ្នាំ​២០១៧​ មាន​ហេតុការណ៍​គ្រោះថ្នាក់​ចរាចរណ៍​ នៅ​ទូ​ទាំង​ប្រទេស​កើតឡើង​ចំនួន​៨​លើក​ (​យប់​៤​លើក​)​ បណ្តាល​ឲ្យ​មនុស្ស​ស្លាប់ម្នាក់ រង​របួសធ្ងន់​១១​នាក់ និងរបួសស្រាល​២​នាក់។​

​ប្រភពព័ត៌មានដដែលបញ្ជាក់ថា នៅ​ក្នុង​ករណី​គ្រោះថ្នាក់​ចរាចរណ៍​ទាំង​៨​លើក​នេះ​ បាន​បង្ក​ឲ្យ​មានការ​ខូចខាត​យានយន្ត​សរុប​១៥​គ្រឿង​ ក្នុង​នោះ​មាន​ម៉ូតូ​១០​គ្រឿង​ រថយន្ត​ធំ​២​គ្រឿង​ រថយន្ត​តូច​២​គ្រឿង​ និង​យានយន្ត​ផ្សេងៗ​១​គ្រឿង​។​

​របាយការណ៍​ខាងលើ​ឲ្យ​ដឹង​បន្ត​ថា​ មូលហេតុ​ដែល​បណ្តាល​ឲ្យ ​កើត​មាន​ហេតុការណ៍​គ្រោះថ្នាក់​ចរាចរណ៍​ គឺ​បណ្តាល​មក​ពី​ល្បឿន៣​លើក​,​ មិន​គោរព​សិទ្ធិ​២​លើក​,​ ស្រវឹង​១​លើក​,​ បត់​គ្រោះថ្នាក់​១​លើក​ និង​ប្រជែង​១​លើក។​ ខេត្ត​រាជធានី​ ដែល​មាន​គ្រោះថ្នាក់​ និង​រងគ្រោះថ្នាក់​ រួម​មាន​៖​ ខេត្តកំពង់ឆ្នាំង​១​លើក​ ស្លាប់​១​នាក់​ របួស​២​នាក់​ និង​ភ្នំពេញ​២​លើក​ របួស​២​នាក់​។​

​របាយការណ៍​គ្រោះថ្នាក់​ចរាចរណ៍​ផ្លូវគោក​ទូ​ទាំង​ប្រទេស​ រយៈពេល​១៧​ថ្ងៃ​ ចាប់​គិត​ពី​ថ្ងៃ​ទី​០១​ ដល់​ ថ្ងៃ​ទី​១៧​ ខែវិច្ឆិកា​ ឆ្នាំ​២០១៧​ កើតឡើង​ចំនួន​១៥៧​លើក​ បណ្តាល​ឲ្យ​មនុស្ស​ស្លាប់​ចំនួន​៨៤​នាក់​ របួស​សរុប​២៨៩​នាក់​ ក្នុងនោះរបួសធ្ងន់​១៥១​នាក់​ របួសស្រាល​១៣០​នាក់​៕