(ភ្នំពេញ)៖ ឱកាសពិសេស ដែលមិនធ្លាប់មានពីមុនមក ពីសំអាងការមយូរ៉ាហ្គោល ប្រកាសផ្ដល់កម្មវិធីពិសេស ការចាប់ឆ្នោតយ៉ាងពិសេស ដោយផ្ដល់ជូននូវកញ្ចប់សំអាងការ មយូរ៉ាហ្គោល ដែលមានតម្លៃដល់ទៅ៥០០០ដុល្លារ ចំនួន៣រង្វាន់ និងកញ្ចប់ Pre Wedding ទៅប្រទេសសិង្ហបុរី និងទៅខេត្តកោះកុង ដោយក្រុមហ៊ុន Amazing Photography Cambodia។
អ្នកស្រី មាស ច័ន្ទដាលីន នាយិការសំអាងការមយូរ៉ាហ្គោល បានបញ្ជាក់ថា ក្រោយទទួលបានការគាំទ្រខ្លាំង ពីអ្នកគាំទ្រលើសំអាងការមយូរ៉ា អ្នកស្រីបានសម្រេចចិត្ត បើកដំណើរការសំអាងការមយូរ៉ាហ្គោលថ្មីមួយបន្ថែមទៀត ហើយហាងថ្មីនេះនឹងផ្តល់កញ្ចប់សេវាកម្ម កម្រិតមួយកាន់តែខ្ពស់ល្អប្រសើរ និងប្រណិតខ្លាំងជាងមុន ដើម្បីតម្រូវលើការចង់បាន របស់អតិថិជន។
ជាមួយគ្នានេះ អ្នកស្រីលើកឡើងថា សំអាងការថ្មីនេះ បើកដំណើរការក្រោមដើមទុនប្រមាណជាង២០ម៉ឺនដុល្លារអាមេរិក ដែលជាទុនមួយខ្ពស់ និងដើម្បីប្រាកដថា ជាសម្អាងការដែលប្រកបដោយភាពស្រស់ស្អាត ស៊ីវីល័យ ល្អប្រណីត និងអាចបំពេញតម្រូវការអតិថិជនបាន ហើយធានាថានឹងផ្តល់ជូន ដល់អតិថិជននូវសេវាកម្មល្អ រហ័សទាន់ចិត្ត ជាមួយនឹងអ្នកជំនាញ ផ្នែកផាត់មុខ ធ្វើសក់ រចនាម៉ូតសម្លៀកបំពាក់ គ្រឿងអលង្ការល្អៗ។ អ្នកស្រីបញ្ជាក់ថា ទីតាំងថ្មីនៃសំអាងការ នឹងរៀបចំពិធីសម្ពោធជាផ្លូវការ នៅថ្ងៃទី២២ ខែវិច្ឆិកា ឆ្នាំ២០១៧នេះ ដោយមានភ្ញៀវជាអ្នកសិល្បៈ និងអ្នកជំនួញដៃគូប្រមាណ ៦០០នាក់ចូលរួម។
អ្នកស្រីលើកឡើងថា ដើម្បីអបអរការបើកដំណើរការ សំអាងការថ្មីនេះដែរ អ្នកស្រីសម្រេចចិត្ត ផ្តល់ដល់អតិថិជននូវកម្មវិធី ចាប់ឆ្នោតផ្សងសំណាង សម្រាប់អតិថិជន ដែលមកជួលក្នុងរដូវកាលថ្មី ដោយអតិថិជន ដែលបានជួលសំអាងការមយូរ៉ា និងក្រុមហ៊ុនថតរូប Amazing Photography Cambodia ក្នុងថ្ងៃរៀបអាពាហ៍ពិពាហ៍ នឹងអាចបំពេញលើសន្លឹកឆ្នោត ដែលការចាប់ឆ្នោតនឹងធ្វើឡើង នៅថ្ងៃទី២២ ខែវិច្ឆិកានេះ ដែលជាថ្ងៃបើកសម្ពោធ។
សម្រាប់កូនកំលោះកូនក្រមុំ គម្រោងរៀបអាពាហ៍ពិពាហ៍ ដែលមានឱកាសអញ្ជើញមកដាក់ពាក្យផ្សងសំណាង ដោយគ្រាន់តែ៖ បំពេញឈ្មោះកូនកំលោះ និងកូនក្រមុំតាមអត្តសញ្ញាណប័ណ្ណ និងអាសយដ្ឋានបច្ចុប្បន្ន, កាលបរិច្ឆេទរៀបអាពាហ៍ពិពាហ៍ពិតប្រាកដ និងលេខទូរស័ព្ទយ៉ាងតិច២ខ្សែ។ រួចដាក់ក្នុងស្រោមសំបុត្រស ហើយយកមកដាក់ក្នុងធុងឆ្នោត នៅសំអាងការមយូរ៉ាហ្គោលផ្ទាល់ ដែលមានទីតាំងនៅផ្ទះលេខ៩៧អា ផ្លូវ១៤៣ កែងផ្លូវ២៩២ ក្រោយរោងកុនគីរីរម្យ អាចទំនាក់ទំនងតាមលេខ 012 266 353 & 010 222 877 ឬចូលតាមផេក មយូរ៉ាហ្គោល។
លក្ខខណ្ឌចូលរួមមានដូចជា៖
ទី១៖ អ្នកចូលរួមផ្សងសំណាង ត្រូវតែមានថ្ងៃខែរៀប អាពាហ៍ពិពាហ៍ច្បាស់លាស់ (ក្នុងករណីមានការផ្លាស់ប្តូរ ថ្ងៃខែរៀបអាពាហ៍ពិពាហ៍ នោះរង្វាន់នឹងទុកជាមោឃៈ)
ទី២៖ អ្នកចូលរួមត្រូវតែរៀបអាពាហ៍ពិពាហ៍ នៅរាជធានីភ្នំពេញ
ទី៣៖ សន្លឹកឆ្នោតអាចដាក់បានតែ១សន្លឹក គត់ក្នុង១គូរ (ស្វាមី-ភរិយា) (ក្នុងករណីដែលត្រួតពិនិត្យ ក្នុងហិបឆ្នោតឃើញ មានលើសពី១សន្លឹក នោះសន្លឹកឆ្នោតនោះទុកជាមោឃៈ)
ទី៤៖ អ្នកចូលរួមត្រូវចូលទៅកាន់ Page Facebook មយូរ៉ាហ្គោល ដោយធ្វើការ Like និង Share ជាមុន។
សម្រាប់អតិថិជនទាំងអស់ អាចយកសន្លឹកឆ្នោតមកដាក់ចាប់ពីថ្ងៃនេះ រហូតដល់ថ្ងៃទី២១ ខែវិច្ឆិកា ឆ្នាំ២០១៧នេះ ហើយការចាប់រង្វាន់ នឹងប្រព្រឹត្តិទៅនៅថ្ងៃទី២២ ខែវិច្ឆិកា ឆ្នាំ២០១៧ ដែលជាថ្ងៃពិសេសសម្ភោធបើកដំណើរការផ្លូវការ សំអាងការមយូរ៉ាហ្គោល ដែលអាចទស្សនាការចាប់ឆ្នោតតាមរយៈការ Live នៅលើផេកសំអាងការមយូរ៉ាហ្គោល ចាប់ពីម៉ោង៦ល្ងាចតទៅ។
ក្រោយពីការចាប់ឆ្នោតរួចនៅថ្ងៃទី២៨ ខែវិច្ឆិកា ឆ្នាំ២០១៧ នឹង Live ផ្ទាល់តាមរយៈផេក សំអាងការមយូរ៉ាហ្គោល ដោយអញ្ជើញកូនកំលោះកូនក្រមុំ ដែលឈ្នះរង្វាន់ទាំង៥គូ មកសម្ភាសន៍ផ្ទាល់ផងដែរ៕
