(ភ្នំពេញ)៖ នៅថ្ងៃទី១៥ ខែវិច្ឆិកា ឆ្នាំ២០១៧នេះ កម្លាំងអាវុធហត្ថរាជធានីភ្នំពេញ បានបញ្ជូនជនសង្ស័យម្នាក់ឈ្មោះ តាន់ តុងហ៊ី ភេទប្រុស អាយុ ៤៤ឆ្នាំ ទៅកាន់តុលាការដើម្បីផ្តន្ទាទោសតាមច្បាប់ ពាក់ព័ន្ធករណី ដើរបាចឯកសារព័ត៌មានញុះញង់ ដើម្បីឲ្យមានចលាចលក្នុងសង្គម កាលពីថ្ងៃទី០៥ ខែតុលា ឆ្នាំ២០១៧។

ជនសង្ស័យខាងលើត្រូវបានកម្លាំងសមត្ថកិច្ចកងរាជអាវុធហត្ថរាជានីភ្នំពេញ ឃាត់ខ្លួនបាននៅវេលាម៉ោង ១០៖២០នាទី ថ្ងៃទី១៣ ខែវិច្ឆិកា ឆ្នាំ២០១៧ នៅចំណុចតូបកាហ្វេដើមអំពិល ផ្លូវ១៧៨ កែងផ្លូវ១៣ ស្ថិតនៅភូមិ៣ សង្កាត់ជ័យជំនះ ខណ្ឌដូនពេញ ខណៈពេលដែលបុគ្គលនេះ ធ្វើសកម្មភាពដើរចែកឯកសារព័ត៌មានញុះញង់ជាថ្មីទៀត។

តាមការស្រាវជ្រាវនិងវិធានការណ៍ជំនាញរបស់សមត្ថកិច្ចកងរាជអាវុធហត្ថរាជធានីភ្នំពេញ ជនសង្ស័យបានសារភាពថា ករណីដើរបាចឯកសារព័ត៌មានញុះញង់ជាច្រើនកន្លែង ក្នុងរាជធានីភ្នំពេញ កាលពីថ្ងៃទី០៥ ខែតុលា ឆ្នាំ២០១៧កន្លងមក គឺរូបគេជាអ្នកធ្វើទាំងស្រុងពិតប្រាកមែន ដោយកាលនោះរូបគេមានផែនការបាចឯកសារចំនួន៥៨គោលដៅ តែពេល បាចបានចំនួន ៥០គោលដៅ ក៏ត្រូវសមត្ថកិច្ចតាមប្រម៉ាញ់រូបគេ ទើបផ្អាកសកម្មភាព និងគេចខ្លួន ទៅប្រទេសថៃ នៅព្រឹកថ្ងៃទី០៦ ខែតុលា ឆ្នាំ២០១៧ ។ រហូតមកដល់ថ្ងៃទី០៤ ខែវិច្ឆិកា ឆ្នាំ២០១៧ រូបគេក៏ត្រលប់មកប្រទេសខ្មែរវិញ ដើម្បីដើរចែកឯកសារព័ត៌មានញុះញង់ បង្កឲ្យមានចលាចលក្នុងសង្គមម្តងទៀត ក៏ត្រូវកម្លាំងអាវុធហត្ថរាជធានីភ្នំពេញ ឃាត់ខ្លួនបាន នៅព្រឹកថ្ងៃទី១៣ ខែវិច្ឆិកា ឆ្នាំ២០១៧ តែម្តង។

គោលដៅទាំង៥០ ដែលជនសង្ស័យបានបាចព័ត៌មានញុះញង់ កាលពីថ្ងៃទី០៥ ខែតុលា ឆ្នាំ២០១៧ រួមមាន៖
1- នៅជិតស្ថានីយ៍ទូរទស្សន៍បាយ័ន ស្ទឹងមានជ័យ
2- មុខព្រះវិហារយេស៊ូគ្រីស្ទនៅចំហៀងស្ថានីយ៍ទូរទស្សន៍បាយ័នស្ទឹងមានជ័យ
3- នៅក្រោយស្ថានីយ៍ទូរទស្សន៍បាយ័នស្ទឹងមានជ័យ
4- មុខវត្តនន្ទមុនី
5- ក្រោមស្ពានអាកាសស្ទឹងមានជ័យ
6- ខាងលិចពេទ្យរ៉ុស្សី
7- មុខវត្តសន្សំកុសល
8- ទម្លាក់នៅទ្រូងផ្លូវ២៧១
9- បោះចូលអង្គការសីលការ
10- វិទ្យាស្ថានអន្តរជាតិអាមេរិកកាំង(ជាប់ផ្លូវដំបូកខ្ពស់)
11- រង្វង់មូលលូទឹកស្អុយ
12- បោះចូលក្នុងការិយាល័យឧត្តមស្នងការអង្គការសហប្រជាជាតិ
13- ចែកព្រះសង្ឃជិះកង់បីមុខពេទ្យក្បាលថ្នល់
14- បោះចូលមុខគណបក្សសង្គ្រោះជាតិ
15- បោះមុខវិទ្យាស្ថានជិតគណបក្សសង្គ្រោះជាតិ
16- បោះមុខវត្តចាក់អង្រែលើ
17- បាចពីលើស្ពានអាកាសច្បារអំពៅ
18- បាចមុខស្នាក់ការកាសែតរស្មីកម្ពុជា
19- បាចមុខសាលាបឹងត្របែក
20- បាចមុខសាលាច្បាប់
21- បាចចូលអង្គការលីកាដូ
22- បាចចូលមជ្ឈមណ្ឌលសិទ្ធមនុស្សកម្ពុជា
23- ទម្លាក់មុខព្រឹទ្ធសភា
24- ទម្លាក់មុខ VOD
25- ទម្លាក់កែងសាលាជាស៊ីម
26- ទម្លាក់មុខសាលាបញ្ញាសាស្ត្រអន្តរជាតិជិតផ្សារបឹងកេងកង
27- បោះមុខអាគារអប់រំ ជិតផ្សារបឹងកេងកង
28- បោះមុខ UNDP
29- បោះមុខសកលវិទ្យាល័យបញ្ញាសាស្ត្រ
30- បោះមុខក្រុមហ៊ុនPlay ក្រោយវត្តស្វាយពពែ
31- បោះមុខផ្សារ AEON
32- បោះមុខស្ថានទូតរុស្សី
33- បោះផ្លូវកែងវត្តស្វាយពពែ
34- បោះមុខការដ្ឋាន ចិនជិតស្ថានទូតរុស្សី
35- បោះខាងត្បូងរដ្ឋសភា
36- បោះខាងជើងស្ថានទូតអូស្ត្រាលី
37- ទម្លាក់មុខកាស៊ីណូណាហ្កាជិតស្ពានកោះពេជ្រ
38- បោះនៅរង្វង់មូលសម្តេចព្រះសង្ឃរាជជួនណាត
39- បោះមុខសណ្ឋាគារ កាំបូឌីយ៉ាណា
40- បោះជាប់ក្រសួងធម្មការ (គណកម្មាធិការរៀបចំបុណ្យជាតិ)
41- បោះជ្រុងវាំងមុខក្រសួងយុត្តិធម៌
42- បោះខាងត្បូងវាំងជាប់មន្ទីរពេទ្យគន្ធបុប្ឆា
43- បោះកណ្តាលថ្នល់ផ្លូវបែកជាបួនជិតផ្ទះសម្តេច ស ខេង ឬស្ថានទូតសាំងហ្កាពួរ
44- បោះមុខសាលាចតុមុខ
45- បោះមុខធនាគារជាតិ
46- បោះមុខស្ថានទូតអាមេរិក
47- បោះមុខសាលាក្រុងភ្នំពេញ
48- បោះមុខក្រសួងប្រៃសណីយ៍
49- បោះមុខសកលវិទ្យាល័យជាតិគ្រប់គ្រង
50- បោះមុខរ៉ារទេះភ្លើង