(ភ្នំពេញ)៖ ថ្ងៃនេះជាថ្ងៃទី១ នៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ប្រជាពលរដ្ឋអញ្ជើញចូលរួមទស្សនាពីគ្រប់ទិសទី ទូទាំងរាជធានី-ខេត្តទាំង២៥ ទាំងភ្ញៀវជាតិ និងអន្តរជាតិ ដើរកម្សាន្ត និងទស្សនាយ៉ាងច្រើនកុះករ។

នាយឧត្តមសេនីយ៍ ជួន សុវណ្ណ ស្នងការនគរបាលរាជធានីភ្នំពេញ បានប្រាប់បណ្តាញសារព័ត៌មាន Fresh News ថា មកដល់រសៀលម៉ោងនេះ (៤និង៥០នាទី) ប្រជាពលរដ្ឋ និងភ្ញៀវទេសចរបាននិងកំពុងចូលមកទស្សនា និងដើរកម្សាន្តក្នុងព្រះរាជពិធីបុណ្យអុំទូកយ៉ាងច្រើនកុះករ និងមានភាពកក់ក្ដៅ ចំណែកបទល្មើសឬបញ្ហាអ្វីផ្សេងៗ មិនមា​នអ្វីគួរឲ្យកត់សម្គាល់នោះទេ គឺប្រព្រឹត្តទៅដោយរលូន។

សូមទស្សនាទិដ្ឋភាព​ទូទៅថ្ងៃដំបូង នៃព្រះរាជពិធីបុណ្យអុំទូក ដែលប្រារព្ធធ្វើឡើងរយៈពេល៣ថ្ងៃ នៅមុខព្រះបរមរាជវាំង រាជធានីភ្នំពេញ៕

លោក សុខ ពេញវុធ អភិបាលខណ្ឌដូនពេញ កំពុងដឹកនាំកម្លាំងប្រចាំការនៅទីបញ្ជាការស្រាលរបស់គណ:បញ្ជាការឯកភាពខណ្ឌដូនពេញ