(បន្ទាយមានជ័យ)៖ រសៀលថ្ងៃទី២៩ ខែតុលា ឆ្នាំ២០១៧ ឧបនាយករដ្ឋមន្ត្រី កែ គឹមយ៉ាន សមាជិកអចិន្ត្រៃយ៍គណៈកម្មាធិការកណ្ដាល គណបក្សប្រជាជនកម្ពុជា និងជាប្រធានក្រុមការងារថ្នាក់ជាតិ ចុះមូលដ្ឋាន ខេត្តបន្ទាយមានជ័យ និងលោកស្រី ម៉ៅ ម៉ាល័យ កែ គឹមយ៉ាន អមដំណើរដោយលោកជំទាវ ញ៉ែម សាខន សម្ដេចក្រឡាហោម ស ខេង ព្រមទាំងមន្ត្រីរាជការ ក្រោមឱវាទថ្នាក់ជាតិ និងថ្នាក់ក្រោមជាតិ បានចូលជាអធិបតីក្នុងកម្មវិធីបិទការប្រណាំងទូក បណ្តែតប្រទីប នៅស្ទឹងសិរីសោភ័ណ ក្រុងសិរីសោភ័ណ (ក្រោយសាកលវិទ្យាល័យមានជ័យ ) ខេត្តបន្ទាយមានជ័យ ដែលមានអ្នកចូលរួមទស្សនាយ៉ាងច្រើនកុះករ ។
ក្នុងឱកាសនោះ នាយឧត្តមសេនីយ៍ កែ គឹមយ៉ាន បានថ្លែងថា ក្រោមការដឹកនាំដ៏ឈ្លាសវៃ រឹងមាំរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងប្រធានគណបក្សប្រជាជនកម្ពុជា ប្រទេសជាតិមានសុខសន្តិភាព មានការរីកម្រើនគ្រប់វិស័យទាំងពុទ្ធចក្រ អាណាចក្រ ហើយយើងទាំងអស់មានពេលគ្រប់គ្រាន់ ចូលរួមជាមួយរាជរដ្ឋាភិបាលបន្ត លើកស្ទួយវិស័យវប្បធម៌ អរិយធម៌ដ៏សំបូរបែបដែលបុព្វបុរសខ្មែរ បានបន្សល់ទុកឲ្យតាំងពីបុរាណកាលមក ដូចនេះចូរបងប្អូនប្រជាពលរដ្ឋយើងទាំងអស់ ត្រូវបន្តចូលរួមថែរក្សាសន្តិភាពនេះ ឲ្យគង់វង្ស ទើបជាតិបានគង់វង្ស មានជាតិគង់វង្សទើបមានវប្បធម៌រីកលូតលាស់និងគង់វង្សបាន ទន្ទឹមនឹងនេះត្រូវបន្តសាមគ្គីគ្នា ធ្វើការអភិវឌ្ឍមូលដ្ឋានយើងឲ្យសំបូរសប្បាយ និងគិតពីសុខភាពដោយពេលទំនេរនាំគ្នាហាត់ប្រាណ លេងកីឡាគ្រប់ប្រភេទ និងជួយផ្សព្វផ្សាយដល់មនុស្ស ជាទីស្រលាញ់ពីគ្រោះថ្នាក់នៃគ្រឿងញៀន កុំទៅជិតគ្រឿងញៀន ត្រូវនិយាយថាទេចំពោះគ្រឿងញៀន ។
ក្នុងឱកាសនោះដែរ នាយឧត្តមសេនីយ៍ កែ គឹមយ៉ាន ជាគណអធិបតី បានប្រគល់នូវរង្វាន់ជាអំណោយដល់ទូកជ័យលាភី និងអនុគណកម្មការ រួមមាន៖
១៖ ឧបត្ថម្ភក្រុមកីឡាករទូកចំនួន៨៦៥នាក់ ក្នុងម្នាក់ៗទទួលបានថវិកា២ម៉ឺនរៀល និងសារ៉ុង១
២៖ អនុគណកម្មការរៀបចំពិធីបុណ្យទូកខេត្ត ថវិកា១លានរៀល
៣៖ អនុគណកម្មការសន្តិសុខ សណ្តាប់ធ្នាប់សង្រ្គោះ ថវិកា ១លានរៀល
៤៖ អនុគណកម្មការរៀបចំបច្ចេកទេសប្រណាំងទូក ថវិកា១លានរៀល
៥៖ អនុគណកម្មការអត្ថាធិប្បាយ ថតរូប និងផ្សាយសំលេង ថវិកា១លានរៀល អនុគណកម្មការទាំងបួនខាងលើ នូវភេសជ្ជៈ ចំនួន១០០កេះ
៦៖ ឧបត្ថម្ភថវិកាសម្រាប់ទូកទៅប្រណាំងនៅរាជធានីភ្នំពេញ ថវិកាចំនួន១០លានរៀលនិងភេសជ្ជះចំនួន៤០កេះ
៧៖ ទូកចំណុះ៦០នាក់ឡើង
* ទូកជ័យលាភីលេខ១ ចំណុះ៦០នាក់ឡើង ទទួលបានពាន១ ទង់១ ថវិកា២លានរៀល មី១០កេស ទឺកក្រូច៥កេស ទឹកសុទ្ធ២០យួរ
* ទូកជ័យលាភីលេខ២ ចំណុះ៦០នាក់ឡើង ទទួលបាន ទង់១ ថវិកា១លាន៦សែនរៀល មី១០កេស ទឺកក្រូច៥កេស ទឹកសុទ្ធ២០យួរ
៨៖ ទូកចំណុះ៤០នាក់ឡើង
* ទូកជ័យលាភីលេខ១ ទទួលបានពាន១ ទង់១ ថវិកា១លាន២សែនរៀល មី៨កេស ទឺកក្រូច៤កេស ទឹកសុទ្ធ១៥យួរ
* ទូកជ័យលាភីលេខ២ ទទួលបាន ទង់១ ថវិកា១លានរៀល មី៨កេស ទឺកក្រូច៤កេស ទឹកសុទ្ធ១៥យួរ
៩៖ ទូកចំណុះ២០នាក់ឡើង
* ទូកជ័យលាភីលេខ១ ទទួលបានពាន១ ទង់១ ថវិកា៦០ម៉ឺនរៀល មី៤កេស ទឺកក្រូច២កេស ទឹកសុទ្ធ៧យូរ
* ទូកជ័យលាភីលេខ២ ៣ និងលើកទឹកចិត្ត ទទួលបាន ទង់១ មី៤កេស ទឺកក្រូច២កេស ទឹកសុទ្ធ៧យូរ រួមថវិកាមួយចំនួន
១០-រង្វាន់ទូកកិត្តិយសលេខ១ ២ ៣ និងលើកទឹកចិត្ត ទទួលបានមី១កេស ទឹកក្រូច១កេស ទឹកសុទ្ធ៤យួរ រួមថវិកាមួយចំនួន
