(កំពត)៖ ក្រុមហ៊ុនផលិតស្រាបៀរ GANZBERG បានរៀបចំព្រឹត្តិការណ៍ GANZBERG Adventure Music Festival ជាព្រឹត្តិការណ៍ប្រគំតន្ត្រីសប្បុរសធម៌ដ៏អស្ចារ្យបំផុត នៅរមណីយដ្ឋានឋានសួគ៌បូកគោ ខេត្តកំពត នៅថ្ងៃទី២៨ ខែតុលា ឆ្នាំ២០១៧ ដើម្បីប្រមូលថវិកាបរិច្ចាគជូនមន្ទីរពេទ្យគន្ធបុប្ផា។
ព្រឹត្តិការណ៍នេះ មានការចូលរួមពីភ្ញៀវជាតិ និងអន្តរជាតិយ៉ាងច្រើនកុះករ ដោយមានការសម្តែងសិល្បៈចម្រុះពីកំពូលសិល្បករ-សិល្បការិនីខ្មែរ មកផលិតកម្មចំនួន៣ និងអន្តរជាតិសរុបជាង៣០នាក់ រួមមាន៖ សិល្បករមកពីផលិតកម្មរស្មីហង្សមាស មានកញ្ញា ឱក សុគន្ធកញ្ញា កញ្ញា ពេជ្រ សោភា លោក G-Devith កញ្ញា រ៉េត ស៊ូហ្សាណា និងលោក Step, ផលិតកម្មសាន់ដេ មានលោក ខាន់ ជេមន៍ សិល្បករ Original Song ក្រុម Small World Small Band ក្រុម Mustache និងលោក P-Sand។ ជាមួយគ្នានេះ ក្រុមបាល់ទាត់ក្រសួងការពារជាតិ នឹងចូលរួមសម្តែងក្នុងព្រឹត្តិការណ៍ប្រគំតន្ត្រីដ៏អស្ចារ្យនេះផងដែរ។
តំណាងស្រាបៀរ GANZBERG លោក Brune បានឲ្យដឹងថា ជាមួយព្រឹត្តិការតន្ត្រីសប្បុរសធម៌ដ៏ធំបំផុត ក៏មានព្រឹត្ដិការណ៍ធំៗជាច្រើន ដូចជា ការបោះជម្រុំខ្នាតធំ ការរត់ប្រណាំងអន្តរជាតិពាក់កណ្តាលម៉ារ៉ាតុង និងប្រណាំងកង់លើកទី៤ ក៏ដូចជាការប្រគំតន្ត្រី EDM ដ៏អស្ចារ្យ DJ អន្តរជាតិ។
រាល់ថវិកាទាំងអស់ ដែលបានមកពីការចុះឈ្មោះចូលរួមរត់ប្រណាំងអន្តរជាតិពាក់កណ្តាលម៉ារ៉ាតុង និងប្រណាំងកង់ នឹងបរិច្ចាគជូនមន្ទីរពេទ្យគន្ធបុប្ផា ដែលនេះជាសកម្មភាពសម្បុរសធម៌មួយថ្មីទៀត បន្ថែមលើសកម្មភាពសម្បុរសធម៌ផ្សេងៗជាច្រើនទៀត ដែលក្រុមហ៊ុនស្រាបៀរ GANZBERG បានធ្វើកន្លងមក។
លោកថ្លែងទៀតថា ក្រៅពីការប្រគំតន្ត្រីសម្បុរសធម៌ដ៏អស្ចារ្យនេះ ក្រុមហ៊ុននឹងរៀបចំព្រឹត្ដិការណ៍ប្រគំតន្ត្រីដ៏អស្ចារ្យបែបនេះទៀត នៅក្នុងឱកាសពិសេស ដូចជា ព្រះរាជពិធីបុណ្យអុំទូក បណ្ដែតប្រទីត សំពះ និងអកអំបុក ពិធីបុណ្យចូលឆ្នាំសាកល ចូលឆ្នាំខ្មែរ និងព្រឹត្ដិការណ៍បុណ្យជាតិធំៗច្រើនទៀត ដើម្បីចែករំលែកភាពសប្បាយរីករាយ និងចែករំលែករសជាតិថ្មី ឆ្ងាញ់លើសពីធម្មតារបស់ស្រាបៀរ GANZBERG ជាមួយយុវជន និងពលរដ្ឋខ្មែរទូរទាំងប្រទេស។
ការប្រគំតន្ត្រីដ៏អស្ចារ្យរបស់ស្រាបៀរ GANZBERG នេះ ក៏មានការចាប់រង្វាន់ម៉ូតូ Yamaha FZ មួយគ្រឿង និងទូរទស្សន៍ ១គ្រឿង ព្រមទាំងរង្វាន់កិត្តិយសជាស្រាបៀរដល់អតិថិជន និងមានការជួបជុំដ៏ធំអស្ចារ្យ ជាមួយអតិថិជនស្រាបៀរ GANZBERG ទូទាំងប្រទេស ដែលត្រូវរង្វាន់រថយន្ត ម៉ូតូផងដែរ។
ស្រាបៀរ GANZBERG ឈ្ងុយរសជាតិអាល្លឺម៉ង ឆ្ងាញ់លើសពីស្រាបៀរធម្មតា! ពិសារដោយការទទួលខុសត្រូវ៕
