(ភ្នំពេញ)៖ សរុបព័ត៌មានពិសេសៗ ជាតិ-អន្តរជាតិ ប្រចាំថ្ងៃទី២៥ ខែតុលា ឆ្នាំ២០១៧ (ផ្សាយពីថ្ងៃចន្ទ ដល់ថ្ងៃសុក្រ រៀងរាល់ម៉ោង ៧-៨យប់)។ រាយការណ៍ព័ត៌មានដោយ៖ កញ្ញា ឆេង សូរិយា, លោក សៀរ សៀកឡេង, លោក អាន គន្ធធារ៉ា, កញ្ញា សំ ស្រីនីត, កញ្ញា យ៉ង់ សក្គុណា, លោក ជូរ លឹមហួត, លោក វង់ វុធ និងលោក ហួន លីហួ៖

* ព័ត៌មានជាតិ (Cambodia News)

១៖ ព្រះមហាក្សត្រចេញព្រះរាជក្រឹត្យលើកលែងទោស លោក ហុង សុខហួរ ក្រោយធ្វើលិខិតសុំទោសសម្តេចតេជោ ហ៊ុន សែន ចំពោះកំហុសឆ្គងរបស់ខ្លួនដែលបង្ហោះឯកសារព្រំដែនក្លែងក្លាយ

២៖ តុលាការចេញដីកាដោះលែង លោក ហុង សុខហួរ ក្រោយទទួលបានការលើកលែងទោសពីព្រះមហាក្សត្រ, ការដោះលែង នឹងធ្វើឡើងនៅព្រលប់ថ្ងៃនេះ

៣៖ ធនាគារជាតិនៃកម្ពុជា ចេញសេចក្តីប្រកាសព័ត៌មាន ស្តីពីការចេញផ្សាយធនប័ត្រ (ក្រដាសប្រាក់) ប្រភេទ១០០០រៀល និង៥០០០រៀល គំរូថ្មី

៤៖ ព្រះមហាក្សត្រឡាយព្រះហស្តដាក់ឲ្យប្រើប្រាស់ច្បាប់ស្តីពីការបែងចែកអាសនៈបក្សនយោបាយ ដែលត្រូវរំលាយ

៥៖ សម្ដេចតេជោ ហ៊ុន សែន ហៅបាតុកម្មរបស់គណបក្សសង្រ្គោះជាតិ ក្រោយការបោះឆ្នោតឆ្នាំ២០១៣ គឺជារូបភាពនៃការធ្វើចលនាបះបោរបដិវត្តន៍យ៉ាងពិតប្រាកដ

៦៖ សម្ដេចតេជោ ហ៊ុន សែន បន្ដប្រកាសស្វាគមន៍តំណាងរាស្រ្ត ក្រុមប្រឹក្សារាជធានី-ខេត្ត ក្រុមប្រឹក្សាក្រុង-ស្រុក-ខណ្ឌ ក្រុមប្រឹក្សាឃុំ-សង្កាត់ មេឃុំ-ចៅសង្កាត់ និងជំទប់ដែលផ្តាច់ខ្លួនចេញពីបក្សសង្គ្រោះជាតិ

៧៖ សម្ដេចតេជោ ហ៊ុន សែន៖ ការរំលាយគណបក្សនយោបាយដែលក្បត់ជាតិ មិនមែនមានតែនៅកម្ពុជាទេ សូម្បីបក្សកាន់អំណាចបើធ្វើខុស ក៏ត្រូវរំលាយដូចគ្នា

៨៖ រដ្ឋមន្ត្រីសុខាភិបាល ចេញសេចក្តីណែនាំពីវិធីបង្ការជំងឺ និងបញ្ហាសុខភាពដល់ពលរដ្ឋ ក្នុងព្រះរាជពិធីបុណ្យអុំទូក រយៈពេល៣ថ្ងៃខាងមុខនេះ!

៩៖ ចំណូលបានពីវិស័យជលផល មានជាង៦៤ម៉ឺនដុល្លារ នៅរយៈពេល៩ខែ ឆ្នាំ២០១៧, កម្ពុជានាំចេញផលនេសាទបានជាង១ម៉ឺនតោន

* ព័ត៌មានអន្តរជាតិ (World News)

១៖ លោក ស៊ី ជិនពីង «ត្រូវបានបន្តតែងតាំងជាអគ្គលេខាធិការនៃគណកម្មាធិការ មជ្ឈិមបក្សកម្មុយនិស្តចិន» សម្រាប់អាណត្តិទីពីរ

២៖ ​សមាជបក្សកុម្មុយនីស្ដចិនបានបញ្ចប់៖ លោក ស៊ី ជិនពីង ក្លាយជាមេដឹកនាំចិនដ៏មានឥទ្ធិពលដល់កំរិតរបស់លោក ម៉ៅ សេទុង

៣៖ ទីបំផុតគំនិតផ្តួចផ្តើមរបស់ លោក ស៊ី ជិនពីង ត្រូវបានយកទៅចែង ក្នុង​ធម្មនុញ្ញនៃបក្ស​កុម្មុយនិស្តចិន!

៤៖ អ្នកជំនាញព្រមានធ្ងន់ៗ៖ «សង្គ្រាមសម្តីរវាង ដូណាល់ ត្រាំ និង គីម ជុងអ៊ុន នឹងក្លាយជាសង្គ្រាមមែនទែនហើយ»

៥៖ ព្រឹទ្ធសមាជិកជាន់ខ្ពស់ ប្រៀនប្រដៅ ដូណាល់ ត្រាំ៖ «បញ្ហាកូរ៉េខាងជើង ទុកឲ្យមន្ត្រីជំនាញ​ជាអ្នករៀបចំដោះស្រាយវិញទៅ»

៦៖ កូរ៉េខាងត្បូង សហរដ្ឋអាមេរិក និងជប៉ុន ផ្ដើមធ្វើសមយុទ្ធយោធាស្ទាក់ចាប់មីស៊ីលផ្លោងកូរ៉េខាងជើង

៧៖រដ្ឋាភិបាលឥណ្ឌាបញ្ជាឲ្យ «ការពារសន្តិសុខជូនក្រុមអ្នកសារព័ត៌មាន ដែលកំពុងបំរើ​ការងារ​គ្រប់ទីកន្លែង​ក្នុងប្រទេស» ៕