(ភ្នំពេញ)៖ ទស្សនិកជនប្រហែលជាបានស្គាល់ហើយ ថា កញ្ញា សុភ័ក្រ្ដ កុសុម៉ា គឺជានរណា? ជាការពិតណាស់ នាងជាតារាចម្រៀង និងជាពិធីការិនីសម្បុរខ្មៅស្រអែម មុខមានមុនស្នេហ៍ កាយវិការក្រមិចក្រមើមគួរឲ្យស្រឡាញ់ម្នាក់ ដែលសព្វថ្ងៃនេះ កំពុងតែមានទីផ្សារសិល្បៈមមាញឹកខ្លាំង គួរឲ្យគត់សម្គាល់។ ទន្ទឹមនឹងនេះ ទស្សនិកជនភាគច្រើន ច្បាស់ជាមិនបានដឹងទេថា តើពិធីការិនីរូបនេះត្រូវហែលឆ្លងឧបសគ្គអ្វីខ្លះ ទំរាំមានឈ្មោះល្បីមកដល់សព្វថ្ងៃនេះ? តើការដើរលើវិថីសិល្បៈសព្វថ្ងៃ នាងមានការលំបាកអ្វីខ្លះ? ដើម្បីជាការស្រាយចម្ងល់របស់ទស្សនិកជន សុភ័ក្រ្ត កុសុម៉ា នឹងចូលខ្លួនមកស្រាយបំភ្លឺ ក្នុងកម្មវិធី «អាថ៌កំបាំងក្រៅឆាករបស់តារា» របស់ Fresh News TV នៅល្ងាចថ្ងៃសៅរ៍ ទី ១៤ខែតុលា ឆ្នាំ២០១៧នេះ។
ស្រីស្រស់សម្ដីញាប់ៗ សុភ័ក្រ្ដ កុសុម៉ា ត្រូវបានគេស្គាល់ថា ក្រៅពីមានជំនាញជាតារាចម្រៀង នាងក៏ជាពិធិការិនីក្នុងកម្មវិធីទូរទស្សន៍ បាយ័ន និង MYTV ផងដែរ ដោយនាងបានធ្វើឲ្យទស្សនិកជនជាច្រើន ទប់សំណើចមិនបាន តាមរយៈទេពកោសល្យ និងសម្ដីមិនចេះរីកស្ងួតរបស់នាង។ តារាស្រី រូបនេះ ហាក់ដូចជាមានប្រជាប្រិយភាពហក់ឡើងខ្លាំង ទោះបីកន្លងមក នាងបានបាត់មុខពីស្រទាប់សិល្បៈមួយរយៈធំ ក្រោយពីប្រឡងចម្រៀងជាប់លេខ១ ហើយចាកចេញ Album ចម្រៀង ក្នុងផលិតកម្ម នាគមាសក្ដី។ ទន្ទឹមនឹងនេះ សុភ័ក្រ្ដ កុសុម៉ា ក៏មានជីវិតលំបាក តស៊ូ មិនធម្មតាដែរ ទំរាំមានប្រជាប្រិយភាពមកដល់សព្វថ្ងៃនេះ។
យ៉ាងណាមិញ កញ្ញា សុភ័ក្រ្ដ កុសុម៉ា នឹងចូលខ្លួនមកបង្ហាញអាថ៌កំបាំង និងការតស៊ូជំនះគោលដៅ រហូតទទួលបានជោគជ័យ ជាពិសេស ការបង្ហាញមហិច្ឆតា ចង់បន្តសម្រេចគោលដៅបន្ដទៀត របស់នាង តាមរយៈកម្មវិធី «អាថ៌កំបាំងក្រៅឆាករបស់តារា» របស់ Fresh News TV និង Fresh news Radio នៅល្ងាចថ្ងៃសៅរ៍នេះ ដោយមានការ Live ផ្ទាល់ចាប់ពីម៉ោង ៧៖០០នាទី ដល់ម៉ោង ៨៖០០នាទីយប់ ថ្ងៃទី១៤ ខែតុលា ឆ្នាំ២០១៧នេះ ហើយនឹងត្រូវផ្សាយឡើងវិញ នៅថ្ងៃអាទិត្យ វេលាម៉ោង៧ដល់ម៉ោង៨យប់ ដដែល៕
