(បរទេស)៖ នៅថ្ងៃចន្ទ ទី០៩ ខែតុលា ឆ្នាំ២០១៧ មូលនិធិអ្នកកាសែត និងអ្នកនិពន្ធ (JWF) បានចុះផ្សាយ​របាយការណ៍មួយ ដែលមាន​ចំណងជើង​ថា «កុមារនៃប្រទេសតួកគី ជាជនរងគ្រោះ​នៃភាពមិន​ស្របច្បាប់» ដែលមាននៅ​លើគេហទំព័រ http://jwf.org/reports/

របាយការណ៍នេះ​បានបង្ហាញពីការ​រំលោភបំពាន​សិទ្ធិមនុស្ស ប្រឆាំងនឹងកុមារ​ដែលគ្មានទោស​នៅក្នុងប្រទេសតួកគី និងនៅក្រៅ​ប្រទេស។

កាលពីចុងខែសីហាឆ្នាំ ២០១៧ កុមារ​ចំនួន ៦៦៨នាក់ ដែលមាន​អាយុក្រោម ០៦ឆ្នាំ កំពុងជាប់​ពន្ធនាគារ​នៅទូទាំងប្រទេស​តួកគី ជាមួយម្តាយ​របស់ពួកគេ។ កុមាររាប់​រយនាក់​ដែលរស់នៅ​បរទេស គឺកើតមក​ដោយគ្មាន​សញ្ជាតិ ពីព្រោះស្ថាន​កុងស៊ុលតួកគី មិនផ្តល់ឱ្យ​ពួកគេ​នូវលិខិតឆ្លង​ដែន ឬការបញ្ជាក់សញ្ជាត់នោះឡើយ។

អាជ្ញាធរនៅក្នុងប្រទេសតួកគី ក៏បានចាប់ផ្តើមយកក្មេងៗ​ចេញពីសាច់​ញាតិ​របស់ពួកគេ​ផងដែរ ប្រសិនបើ​ឪពុកម្តាយ​ពួកគេ​គឺជាអ្នកដែល​គេចោទប្រកាន់​ថា គាំទ្រក្នុង​ការប៉ុនប៉ង​ធ្វើរដ្ឋប្រហារ។របាយការណ៍​នេះមាន​គោលបំណង ដើម្បីលើកកម្ពស់​ពីការយល់ដឹង​ អំពីស្ថានភាព​គ្រោះថ្នាក់​របស់កុមារ​រាប់ពាន់នាក់ នៅក្នុងប្រទេសតួកគី និងនៅបរទេស​ដែលទទួលរងការ​រើសអើងជាច្រើន ដែលត្រូវ​បានហាមឃាត់​ដោយអង្គការ​សហប្រជាជាតិ ស្តីពីសិទ្ធិកុមារ។ វាក៏សង្ខេប​ផងដែរ​អំពីស្ថានភាព​បច្ចុប្បន្ន ក្នុងការរំលោភបំពាន​ដោយចេតនា​ ទៅលើសិទិ្ធរបស់​កុមារនៅក្នុង​ប្រទេសតួកគី។

មូលនិធិអ្នកកាសែត និងអ្នកនិពន្ធ​បានអំពាវនាវ​ឲ្យសារព័ត៌មានជាតិ និងអន្តរជាតិ​ទាំងអស់ បន្តការបង្កើនការយល់​ដឹងពីបញ្ហាកុមារ​នៃប្រទេសតួកគី ហើយនឹងគាំទ្រ​យុទ្ធនាការ​ប្រព័ន្ធផ្សព្វផ្សាយ ​បណ្តាញសង្គម​របស់យើង​នៅលើ Twitter។ ទីបំផុតយើង​សូមអំពាវនាវដល់​អង្គការ​សង្គមស៊ីវិល និងអ្នកពាក់ព័ន្ធ​ដទៃទៀត​ ដើម្បីដោះស្រាយ​បញ្ហារំលោភសិទ្ធិ​មនុស្ស ប្រឆាំងនឹងកុមារ និងមាតាទាំងនេះ៕