(ភ្នំពេញ)៖ ដើម្បីឆ្លើយតបភ្លាមៗចំពោះតម្រូវការចាំបាច់នៃស្បៀងអាហាររបស់ប្រជាពលរដ្ឋចំនួន​ ១,៧២១គ្រួសារ​ ដែលបានទទួលរងគ្រោះដោយទឹកជំនន់​ កាលពីថ្ងៃទី​ ២​ ខែតុលា​ ឆ្នាំ២០១៧ កន្លងទៅនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានសម្រេចផ្តល់គ្រឿងឧបភោគ-បរិភោគ និងសម្ភារៈប្រើប្រាស់ជូនដល់ ប្រជាពលរដ្ឋដែលរស់នៅក្នុងភូមិចំនួន​ ៥៨​ ស្ថិតក្នុងឃុំចំនួន​ ៩​ នៃស្រុកស្ទោង​ និងស្រុកកំពង់ស្វាយ​ ខេត្តកំពង់ធំ។

ជាមួយគ្នានេះ ក្រុមការងារនៃទីស្នាក់ការកណ្តាលកាកបាទក្រហមកម្ពុជា នឹងនាំយកអំណោយមនុស្សធម៌ទាំងនេះ ទៅចែកជូនដល់ដៃប្រជាពលរដ្ឋដែលរងគ្រោះដោយទឹកជំនន់ នៅថ្ងៃទី​ ៩-១០​ ខែតុលា​ ឆ្នាំ២០១៧​ ខាងមុខនេះ។

សមាគមជាតិកាកបាទក្រហមកម្ពុជា ដែលមាន សម្តេចព្រះមហាក្សត្រី នរោត្តម​ មុនិនាថ សីហនុ ព្រះវររាជមាតាជាតិខ្មែរ គង់ប្រថាប់ជាព្រះប្រធានកិត្តិយស និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ដែលជានិច្ចកាលបានយកព្រះទ័យ និងយកចិត្តទុកដាក់ ចំពោះសុខទុក្ខប្រជាពលរដ្ឋជួបការលំបាកដោយមិនប្រកាន់វណ្ណៈ ជាតិសាសន៍ ឬនិន្នាការនយោបាយអ្វីឡើយ៕

{IfMobile}

{ElseMobile}

{EndIfMobile}