(កណ្ដាល)៖ ដោយមានការចង្អុលបង្ហាញពី នាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង ប្រធានកិត្តិយសក្រុមយុវជន ខ៤ នៅថ្ងៃទី១០ ខែកញ្ញា ឆ្នាំ២០១៧នេះ លោកស្រី អោម រចនី អនុប្រធានប្រតិបត្តិក្រុមយុវជន ខ៤ ព្រមទាំងសមាជិក បាននាំយកសម្ភារៈ និងថវិកាដែលជាអំណោយរបស់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ផ្តល់ជូនប្រជាពលរដ្ឋខ្វះខាត ចំនួន១៣គ្រួសារ ស្ថិតក្នុងឃុំដើមឫស ស្រុកកណ្តាលស្ទឹង។
ក្នុងឱកាសចុះសាកសួរសុខទុក្ខនោះដែរ លោកស្រី អោម រចនី ក៏បាននាំនូវការសាកសួរសុខទុក្ខពីសំណាក់ពី នាយឧត្តមសេនីយ៍ ហ៊ីង ប៊ុនហៀង ផ្ញើជូនដល់ប្រជាពលរដ្ឋផងដែរ។
បន្ថែមពីនេះ លោកស្រី ក៏បានរៀបរាប់ពីការអភិវឌ្ឍរីកចម្រើនយ៉ាងឆាប់រហ័សរបស់ប្រទេសជាតិ ក្រោមការដឹកនាំរបស់រាជរដ្ឋាភិបាល ដែលមានសម្តេចតេជោ ហ៊ុន សែន ជាប្រមុខដែលរក្សាបាននូវស្ថេរភាព និងសន្តិសុខសង្គមបានយ៉ាងល្អប្រសើរ ជាពិសេសការពារដាច់ខាតមិនឲ្យបុគ្គល ឬក្រុមណាធ្វើបដិវត្តន៍ពណ៌បំផ្លាញនូវសុខសន្តិភាព និងការរស់នៅរបស់ប្រជាជានកម្ពុជា បាននោះឡើយ៕
