(ភ្នំពេញ)៖ ក្រុមហ៊ុន AWSCAMBODIA LTD ដែលជាក្រុមហ៊ុនចែកចាយផ្តាច់មុខផលិតផល Commscope នៅក្នុងប្រទេសកម្ពុជា និងជាក្រុមហ៊ុនឈានមុខគេ ផ្នែកចែកចាយផលិតផលបណ្ដាញទូរគមនាគមន៍ព័ត៌មានវិទ្យា និងប្រព័ន្ធគ្រប់គ្រង សុវត្ថិភាពអគារបានសហការយ៉ាងជិតស្និទ្ធិ ជាមួយក្រុមហ៊ុន Commscope ដែលជាក្រុមហ៊ុនផ្គត់ផ្គង់ផលិតផល AMP NETCONTECT Systimax និង Krone ដើម្បីរៀបចំសិក្ខាសាលាស្តីពី High Speed Migration & imVision-Your Data Center។
សិក្ខាសាលានេះ ត្រូវបានធ្វើឡើងនៅព្រឹកថ្ងៃទី០៧ ខែកញ្ញា ឆ្នាំ២០១៧នេះ មានការចូលរួមពីសំណាក់នាយកក្រុមហ៊ុន អ្នកជំនាញព័ត៌មានវិទ្យា មកពីស្ថាប័នមួយចំនួន ដូចជាធនាគារ ក្រុមហ៊ុនទូរគមនាគមន៍ ក្រុមហ៊ុន M&E ក្រុមហ៊ុនSI ព្រមទាំងបណ្តាក្រុមហ៊ុនធំៗ មួយចំនួនទៀត។
លោក ជា សុវណ្ណ ប្រធានគ្រប់គ្រងផលិតផលក្រុមហ៊ុន AWS បានបញ្ជាក់ថា ក្រុមហ៊ុន AWS (Asia Wiring System) ដែលមានស្នាក់ការកណ្ដាល នៅប្រទេសសិង្ហបុរី និងត្រូវបានបង្កើតឡើងនៅក្នុងឆ្នាំ១៩៩៣ ជាក្រុមហ៊ុនចែកចាយផ្តាច់មុខ ដែលមានគោលការណ៍ច្បាស់លាស់ និងក្រមសីលធម៌ក្នុងការធ្វើអាជីវកម្ម ក៏ដូចជាកិច្ចសហប្រត្តិបត្តិការ ក្នុងការបង្ហាត់បង្រៀនបច្ចេកទេស ដល់ដៃគូរពាណិជ្ចកម្ម ដើម្បីឈានឆ្ពោះទៅរកភាពជោគជ័យទាំងអស់គ្នា។ ការអនុវត្តន៍ និងបន្តអនុវត្តប្រកបដោយភាពវិជ្ជមានមួយនេះ បានធ្វើឲ្យក្រុមហ៊ុន AWS កាន់តែមានដៃគូពាណិជ្ជកម្មច្រើនឡើងពីមួយឆ្នាំទៅមួយឆ្នាំ។
ក្រុមហ៊ុនAWS បានយកចិត្តទុកដាក់ និងបានសហការយ៉ាងរឹងមាំ ជាមួយក្រុមហ៊ុនដែលមានបច្ចេកវិទ្យាល្បីៗ នៅលើពិភពលោក ដូចជា Commscope, Cisco, Alantek, D-Link, Socomec UPS, EPSON, Honeywell Security &Fire Solutions, Brady, Zycoo និងផលិតផលជាច្រើនទៀត ហើយក្រុមហ៊ុនបច្ចេកវិទ្យាទាំងនេះ បានផ្តល់សិទ្ធិផ្តាច់មុខដល់ ក្រុមហ៊ុន AWS ក្នុងការក្លាយជាក្រុមហ៊ុនចែកចាយ ស្របច្បាប់នៅក្នុងប្រទេសកម្ពុជាផងដែរ។ បច្ចុប្បន្នក្រុមហ៊ុនមានសាខា ក្នុងប្រទេស និងនៅតំបន់អាស៊ីដែលមានដូចជា ប្រទេសមាឡេស៊ី ឥណ្ខូនេស៊ី ថៃ ហ្វីលីពីន កម្ពុជា វៀតណាម និង ប្រទេសមីយ៉ាន់ម៉ា។
លោកបន្ថែមថា រាល់ការទិញផលិតផល Commscope (AMP, Systimax & Krone) ទាំងអស់សូមសួររកលិខិតបញ្ជាក់ពីគុណភាព (Genuine Letter) ដើម្បីទទួលបានផលិតផលសុទ្ធ និងមានការធនារពីរោងចក្រ សម្រាប់សុពលភាពរយៈពេល២៥ឆ្នាំ ហើយព័ត៌មានបន្ថែមពីក្រុមហ៊ុន សូមចូលទៅកាន់ www.awspl.com។
គួរបញ្ជាក់ថាសិក្ខាសាលានេះ សង្កត់ធ្ងន់ទៅលើបច្ចេកវិទ្យាថ្មីៗ ដែលបង្កលក្ខណៈងាយស្រួល ក្នុងការគ្រប់គ្រង និងការផ្លាស់ប្តូរទិន្នន័យសម្រាប់ប្រព័ន្ធ Data Center ប្រកបដោយភាពរលូន និងមានប្រសិទ្ធិភាព ឆ្លើយតបទៅនិងតម្រូវការដែលមានការកើនឡើងមិនឈប់ឈរ។ បច្ចេកវិទ្យាដែលលើកមកបកស្រាយ នៅក្នុងអង្គសិក្ខាសាលានេះ មានដូចជា Understanding Automated Infrastructure Management (AIM), imVision System Architecture, imVision iPatch Hardware, imVision System Manager Software និង Commission Process។
សូមជម្រាបថា ក្រុមហ៊ុន CommScope (NASDAQ: COMM) គឺជាក្រុមហ៊ុនផ្គត់ផ្គង់ផលិតផលបណ្តាញ Connectivity និង ហេដ្ឋារចនាសម្ព័នទូរគមនាគមន៍ ឈានមុខគេទូទាំងសកលលោក ហើយសម្រាប់ព័ត៌មានបន្ថែមសូមចូលទៅកាន់ http://commscope.com/៕