(ភ្នំពេញ)៖ ហាងកាហ្វេលំដាប់អន្តរជាតិ Gloria Jean’s នឹងបើកលក់ជាផ្លូវការ នៅថ្ងៃទី០៧ ខែកញ្ញា ឆ្នាំ២០១៧ស្អែកនេះ ដែលជាទីតាំងទី១០ផងដែរ។

ហាងកាហ្វេ Gloria Jean’s ជាហាងកាហ្វេម៉ាកសញ្ញារអន្តរជាតិទី១ ដែលមានវត្តមាននៅក្នុងប្រទេសកម្ពុជា ព្រមទាំងបានបម្រើជូននូវកាហ្វេដ៏ឈ្ងុយឆ្ងាញ់ល្អដាច់គេ និងភេសជ្ជៈផ្សេងៗទៀត អស់រយៈពេលជិត ៨ឆ្នាំមកហើយ សម្រាប់ហាងកាហ្វេនេះ មានដើមកំណើតមកពីប្រទេសអូស្ត្រាលីមួយនេះ បានធ្វើការពង្រីកសាខារបស់ខ្លួននៅទូទាំងប្រទេសកម្ពុជា ដែលផ្ដល់ជូននូវកាហ្វេពេញនិយមដូចជា៖ Ice Latte, Ice Mocha និង White Hot Chocolate ជាដើម ក្រៅពីនេះក៏មានផ្ដល់ជូននូវប្រភេទអារហារ នំជាច្រើនជម្រើសផងដែរ។

សម្រាប់ Gloria Jean’s មានចំនួន៦ទីតាំងនៅក្រុងភ្នំពេញ រួមមាន២ទីតាំងទៀតស្ថិតនៅខេត្តសៀមរាប លើសពីនេះទីតាំងមួយទៀតនោះគឺនៅខេត្តបាត់ដំបង ហើយសម្រាប់ទីតាំងថ្មីមួយដែលទើបនឹងសម្ពោធដាក់លក់ជាផ្លូវការមួយនេះ ស្ថិតនៅផ្ទះលេខ៩២ បណ្ដោយមហាវិថីព្រះនរោត្តម ហើយទីតាំងថ្មីនេះ មានបរិយាកាសប្លែកពីទីតាំងផ្សេងៗទៀត ដោយសារការគូរប្លង់ និងរចនាតុបតែង មានភាពធំទូលាយជាង និងទំនើបជាង រួមនិងមានភាពទាក់ភ្នែកគួរឲ្យចង់អង្គុយសិក្សា ឬអានសៀវភៅ ពិភាក្សាពីមុខជំនួញ និងជួបជុំមិត្តភក្តិ។

សូមបញ្ជាក់ថា ហាងកាហ្វេលំដាប់អន្តរជាតិ Gloria Jean’s មានកការផ្ដល់ជូនកម្មវិធីពិសេសផងដែរ ដោយគ្រាន់តែជាវភេសជ្ជៈ ១កែវ នឹងថែមជូន ១កែវភ្លាម ក្នុងថ្ងៃសម្ពោធសាខាថ្មីមួយនេះ លើសពីនេះក្នុងថ្ងៃនោះផងដែរ ក៏មានការចូលរួមច្រៀងពីសំណាក់តារាចម្រៀងស្រីកំពុងពេញនិយមនៅកម្ពុជា កញ្ញា ពេជ្រ សោភា ហើយនឹងជួបគាត់នៅវេលាម៉ោង ៧៖៣០នាទីល្ងាច។ សូមអតិថជនទាំងអស់គ្នាចូលរួមទទួលយករសជាតិការហ្វេពិត កាហ្វេឆ្ងុយឆ្ងាញ់ល្អលើសគេ មកពីប្រទេសអូស្រ្តាលីអោយបានច្រើកុះករ៕