(ភ្នំពេញ)៖ នៅព្រឹកថ្ងៃទី៥ ខែកញ្ញា ឆ្នាំ២០១៧នេះ ក្រុមសមាជិកព្រឹទ្ធសភា ប្រចាំភូមិភាគទី១ (រាជធានីភ្នំពេញ) បានរៀបចំកម្មវិធីវេទិកាថ្នាក់ខណ្ឌស្តីពី «ការផ្តល់សេវាសាធារណៈ និងការចូលរួមរបស់មហាជន ក្នុងការអភិវឌ្ឍមូលដ្ឋាន ភូមិ-សង្កាត់» និងពិធីសម្ពោធស្រះទឹកត្រពាំងធំ សង្កាត់ភ្លើងឆេះរទេះ ខណ្ឌពោធិ៍សែនជ័យ រាជធានីភ្នំពេញ។
កម្មវិធីនាព្រឹកនេះ បានប្រព្រឹត្តទៅក្នុងសាលប្រជុំរដ្ឋបាលខណ្ឌពោធិ៍សែនជ័យ និងពេលរសៀលនឹងបន្តនៅទីតាំងស្រះទឹកត្រពាំធំ សង្កាត់ភ្លើងឆេះរទេះផងដែរ ដោយមានការចូលរួមពីអភិបាលខណ្ឌ លោក ហែម ដារិទ្ធ អភិបាលរងខណ្ឌ និងមន្រ្តីពាក់ព័ន្ធមួយចំនួនទៀត៕
