(ប៉ៃលិន)៖ ​មានករណីគ្រោះថ្នាក់ចរាចរណ៍មួយ រវាងម៉ូតូ និងរថយន្ត នៅថ្ងៃទី៣១ ខែសីហា ឆ្នាំ២០១៧នេះ ​លើ​ផ្លូវជាតិលេខ៥៧ ចំណុចភូមិអូររអិល ឃុំស្ទឹងកាច់ ស្រុកសាលាក្រៅ ​បណ្តាលឲ្យស្លាប់ម្នាក់ និងរបួសធ្ងន់ស្រាល២នាក់។

មន្ដ្រីនគរបាលចរាចរណ៍ បានឲ្យដឹងថា ជនរងគ្រោះទី១៖ ឈ្មោះ តែ អាយុ៤២ឆ្នាំ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ស្លាប់នៅ​កន្លែងកើតហេតុ ជាអ្នកបើកបរម៉ូតូម៉ាក HONDA Wave​, ទី២៖ឈ្មោះ សុឃា អាយុ​៦ឆ្នាំ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន របួសធ្ងន់ និង​ទី៣៖ឈ្មោះ បាន ម៉ៅ អាយុ៥៤ឆ្នាំ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ជាអ្នកបើកបររថយន្ត​ម៉ាក TOYOTA Camery ពណ៌សំបកឪឡឹក ពាក់ស្លាកលេខ​ភ្នំពេញ​2N-0059។

បើតាមសមត្ថកិច្ចបញ្ជាក់ថា ករណីគ្រោះថ្នាក់ចរាចរណ៍នេះ កើតឡើងដោយសារការបើកបរមិនប្រកាន់ស្ដាំ។

ក្រោយកើតហេតុ ជនរងគ្រោះសមត្ថកិច្ចប្រគល់ឲ្យសាច់ញាតិ យកទៅធ្វើបុណ្យតាមប្រពៃណី ចំណែកអ្នករងរបួសត្រូវបានដឹកយកទៅសង្គ្រោះរបស់ ការិយាល័យតំណាងរាស្ត្រខេត្ត ដឹកយកទៅសង្គ្រោះនៅមន្ទីរពេទ្យបង្អែកខេត្តប៉ៃលិន ដោយឡែកវត្ថុតាងត្រូវបានយកទៅរក្សាទុក ដើម្បីស្រាយតាមច្បាប់៕