(ស្ទឹងត្រែង)៖ កម្លាំងនៃស្នងការដ្ឋាននគរបាលខេត្តស្ទឹងត្រែង នៅយប់ថ្ងៃទី២៤ ខែសីហា ឆ្នាំ២០១៧នេះ បានបង្ក្រាបមេក្លោងជួញដូរគ្រឿងញៀន ជនជាតិឡាវម្នាក់ ដោយដកហូតថ្នាំញៀន២កញ្ចប់ធំ នៅចំណុចបង្គោលលេខ០៣៥-០៣៦ ភូមិសំរោង ឃុំស្រែសំបូរ ស្រុកសៀមប៉ាង។
ស្នងការនគរបាលខេត្តស្ទឹងត្រែង លោកឧត្តមសេនីយ៍ត្រី ម៉ៅ តារា បានឲ្យដឹងថា ជនសង្ស័យជាមេក្លោងជនជាតិឡាវនោះ ឈ្មោះ ផែង ផាន់ណាង៉ោ អាយុ៥០ឆ្នាំ រស់នៅភូមិណាចាន ស្រុកកូម៉ា ខេត្តចំប៉ាសាក់ ដោយក្នុងនោះដកហូតបានថ្នាំញៀន០២កញ្ចប់ធំ ប្រហែល០២គីឡូក្រាម។
ក្រោយបង្ក្រាបបានមេក្លោងរូបនេះ ត្រូវបានបញ្ជូនទៅស្នងការដ្ឋាននគរបាលខេត្ត ដើម្បីកសាងសំណុំរឿងចាត់ការបន្ដ៕
