(ភ្នំពេញ)៖ ពិតជាគួរឱ្យសោកស្តាយដែលមេដឹកនាំបក្សសង្គ្រោះជាតិ កឹម សុខា នៅថ្ងៃទី២២ ខែសីហា ឆ្នាំ២០១៧ ពីខេត្តពោធិ៍សាត់ បានលើកឡើងថា «គណបក្ស សង្គ្រោះជាតិ ចង់បានលទ្ធផលនៃការបោះឆ្នោតដែលឆ្លុះបញ្ចាំងអំពីឆន្ទៈពិតប្រាកដរបស់ប្រជាពលរដ្ឋខ្មែរ…ដោយមិនយកទឹកប្រាក់ តួនាទី បុណ្យស័ក្តិដើម្បីទៅទាក់ទាញទឹកចិត្តប្រជាពលរដ្ឋនោះទេ»។ នេះគឺជាសម្តីក្បត់ចិត្ត ហើយធ្វើជាដំឡើងឫកហំនៅ ខណៈបក្សរបស់ខ្លួនបានបង្កើតគោលនយោបាយបោកប្រាស់តាមរយៈការសន្យាមិនចេះចប់ពីផ្តល់មេគោ ផ្តល់ម៉ូតូ ផ្តល់ថវិកា ៤ម៉ឺនរៀលដល់ចាស់ៗអាយុពី ៦៥ឆ្នាំឡើង ហើយចុងក្រោយសន្យាផ្តល់ កញ្ចប់ថវិកា ៥០ម៉ឺនដុល្លារក្នុងមួយឆ្នាំដល់ឃុំសង្កាត់ទៀត ព្រមទាំងសន្យាផ្តល់តួនាទី បុណ្យស័ក្តិដល់សកម្មជនរបស់ខ្លួនថែមទៀត។
ប៉ុន្តែសន្យានៅតែជាសន្យាមិនអាចដោះស្រាយបានកុហករាស្ត្រពីមួយថ្ងៃទៅមួយថ្ងៃ។ ចរន្តនៃការទាមទារការសន្យានេះនឹងអាចផ្ទុះ ឡើងខ្លាំងបន្ថែមទៀត ប្រសិនបើ គណបក្សសង្គ្រោះជាតិមិនគោរពតាមការសន្យា ដែលខ្លួនបានធ្វើនៅអំឡុងឃោសនាបោះឆ្នោតក្រុមប្រឹក្សាឃុំសង្កាត់ថាបើបោះឆ្នោតឱ្យគណបក្សសង្គ្រោះជាតិ និងទទួលបានកញ្ចប់ថវិកា ៥០ ម៉ឺនរៀលសម្រាប់ការអភិវឌ្ឍឃុំសង្កាត់នោះ ហើយ យឹម សុវណ្ណ នាយកប្រតិបត្តិបក្សនេះជាសក្សីស្រាប់។ ចុះហេតុអ្វីបាននៅ ពេលនេះ កឹម សុខា ចេញមកប្រកាសបែបខែងរ៉ែងយ៉ាងដូច្នេះថា ខ្លួន «គណបក្សសង្គ្រោះជាតិ» មិនយកទឹកប្រាក់ តួនាទី បុណ្យស័ក្តិដើម្បី បោកប្រាសទាក់ទាញទឹកចិត្តប្រជាជនខ្មែរអ្នកបោះឆ្នោត?
- ១៖ វាពិតជាមិនមែនចៃដន្យឡើយប៉ុន្តែអ្វីដែល កឹម សុខា ថ្លែងនេះគឺជាការភ័យស្លន់ស្លោរ ហើយច្រណែននឹងការកើនឡើងប្រជាប្រិយភាពរបស់រាជរដ្ឋាភិបាល ដឹកនាំដោយសម្តេចតេជោ ហ៊ុន សែន ក៏ដូចជាគណបក្សប្រជាជនកម្ពុជាទាំងមូលដែលកំពុងដើរនៅលើផ្លូវត្រូវ ក្នុងការឆ្លើយតបរាល់តម្រូវការបងប្អូនដោយបាន ដោះស្រាយបញ្ហាទាំងឡាយជូនដល់មន្ត្រីរាជការ គ្រូបង្រៀន ជាពិសេសការយកចិត្តទុកដាក់ចំពោះកម្មករ-កម្មការិនី ទាំងក្នុង និងក្រៅប្រទេសយ៉ាងយកចិត្តទុកដាក់។ ដោយចាប់ផ្តើមពីការទាក់ទាញវិនិយោគកិនមកវិនយោគនិងស្វែងរកទីផ្សារលក់ផលិតផល ជួយបង្កើតការងារធ្វើជូនប្រជាពលរដ្ឋ បង្កើនប្រាក់ចំណណូលសម្រាប់ ជីវភាពប្រជាជន រដ្ឋាភិបាលដឹកនាំដោយ គណបក្សប្រជាជនកម្ពុជា បាន និងកំពុងជួយសម្រួលបន្ថែមលើសេចក្តីត្រូវការរបស់កម្មករដូចជាការ ផ្តល់សេវារថយន្តក្រុង សេវាសុខភាពព្យាបាលដោយមិនចំណាយថវិកា ប្រាក់សោធននិវត្តន៍ ការតបណ្តាញអគ្គិសនី បណ្តាញទឹកដល់កន្លែងស្នាក់នៅផ្ទាល់ៗ ការលើកកម្ពស់គុណភាពជីវិតនៅតាមរោងចក្រ និងជាពិសេសបានសម្រប សម្រួលជាមួយថៅកែរោងចក្រដំឡើងប្រាក់ខែគោលជារៀងរាល់ឆ្នាំដល់កម្មករ ព្រមទាំងបានផ្តល់នូវអត្ថប្រយោជន៍ ជាច្រើនទៀតដល់កម្មករកម្មការិនី។
ទាំងនេះបានជួយសម្រាលបន្ទុករបស់ពួកគាត់យ៉ាងច្រើន ដើម្បីធ្វើឱ្យជីវភាព របស់កម្មករកម្មការិនីព្រមទាំងក្រុមគ្រួសាររបស់ពួកគេកាន់តែប្រសើរថែមទៀត។ រាជរដ្ឋាភិបាលក៏បានគិតគូរជារួម លើសុខទុក្ខ និងការអភិវឌ្ឍសម្រាប់ប្រជាជនកម្ពុជាទាំងមូលផងដែរ។ ប្រជាពលរដ្ឋទាំងអស់បានគាំទ្រនូវដំណើរជា វិជ្ជមានរបស់រាជរដ្ឋាភិបាល ដឹកនាំដោយគណបក្សប្រជាជនកម្ពុជា។ ប៉ុន្តែអ្វីដែលរាជរដ្ឋាភិបាលបានធ្វើជូនប្រជា ពលរដ្ឋបែរជាត្រូវបានគណបក្សប្រឆាំងលើកឡើងថាគឺជាការយកទឹកប្រាក់ទៅទាក់ទាញទឹកចិត្តប្រជាជនជាពិសេស បងប្អូនកម្មករកម្មការិនីជាច្រើនសែននាក់។ អ្វីៗដែលយើងទាំងអស់គ្នាមានសព្វថ្ងៃគឺដោយកិច្ចខិតខំប្រឹងប្រែងរបស់ រាជរដ្ឋាភិបាលដឹកនាំដោយសម្តេច ហ៊ុន សែន ហើយគ្មានដានជើងរបស់បក្សប្រឆាំងឡើយ។
- ២៖ គណបក្សសង្គ្រោះជាតិក៏អស់សង្ឃឹមថាខ្លួនគ្មានលទ្ធភាពក្នុងការស្វែងរកការគាំទ្រពីមន្ត្រីរាជការ និងកង កម្លាំងប្រដាប់អាវុធឡើយ ព្រោះដំណើរការកំណែទម្រង់ស៊ីជម្រៅរបស់រាជរដ្ឋាភិបាល និងគោលនយោបាយដែល បានដាក់ចុះគឺបានពង្រឹងសមត្ថភាពមន្ត្រី អ្នកមានសមត្ថភាព និងត្រូវផ្តល់អាទិភាព ការបង្កើនប្រាក់បៀវត្សរ៍ជារៀង រាល់ឆ្នាំ ការដំឡើងតួនាទី និងឋានន្តរស័ក្តិដល់មន្ត្រីដែលមានសមត្ថភាព មានការលះបង់ខ្ពស់ ព្រមទាំងលើកកម្ពស់ ជីវភាព និងក្រុមគ្រួសាររបស់ពួកគាត់ផងដែរ។ ការយកចិត្តទុកដាក់របស់រាជរដ្ឋាភិបាលដូច្នេះ ត្រូវបានទទួលការគាំ ទ្រពីមន្ត្រីរាជការ កងកម្លាំងប្រដាប់អាវុធ ហើយពួកគាត់បានរួមជាមួយរាជរដ្ឋាភិបាលការពារសន្តិភាពនិងការអភិវឌ្ឍ បម្រើ ការពារប្រជាជនកម្ពុជា។
ប៉ុន្តែការដំឡើងប្រាក់ខែ ដំឡើងឋានន្តរស័ក្តិជូនមន្ត្រីរាជការ កងកម្លាំងប្រដាប់អាវុធ ត្រូវបានមេដឹកនាំ និងសកម្មជនគណបក្សសង្គ្រោះជាតិ ហៅថាជាការទាក់ទាញទឹកចិត្តដើម្បីសន្លឹកឆ្នោតទៅវិញ។ នេះគឺជាការមាក់ងាយខ្លាំងណាស់ចំពោះមន្ត្រីរាជការ និងកងកម្លាំងប្រដាប់អាវុធគ្រប់លំដាប់ថ្នាក់។ ប៉ុន្តែអ្វីដែលមេបក្សប្រឆាំងលើកឡើងនេះ គឺគ្រាន់តែដើម្បីបំភ្លេចការសន្យាផ្តល់តំណែងតួនាទី ដល់សកម្មជនរបស់ខ្លួនប៉ុណ្ណោះ។ បក្សសង្គ្រោះជាតិ បានសន្យាផ្តល់តំណែងនេះតំណែងនោះដល់សកម្មជនរបស់ខ្លួន រាប់តាំងពីតួនាទីជាអនុប្រធាន និងប្រធានភូមិ។ តើនេះមិនមែនជាការយកតួនាទី និងបុណ្យស័ក្តិទៅទាកទាញទឹកចិត្តប្រជាជនទេឬ? អ្វីៗដែលមន្ត្រីរាជការ កងកម្លាំងប្រដាប់អាវុធទាំងអស់គ្នា មានសព្វថ្ងៃ គឺដោយកិច្ចខិតខំប្រឹងប្រែងរបស់រាជរដ្ឋាភិបាលដឹកនាំ ដោយសម្តេច ហ៊ុន សែន ហើយគ្មានដានជើងរបស់បក្សប្រឆាំងឡើយ។
- ៣៖ គណបក្សសង្គ្រោះជាតិ និងមេដឹកនាំខ្លួនបានធ្វើអ្វីខ្លះជូនដល់បងប្អូនប្រជាពលរដ្ឋ កម្មករកម្មការិនី មន្ត្រី រាជការ កងកម្លាំងប្រដាប់អាវុធ? មេដឹកនាំគណបក្សនេះទាំងចាស់ទាំងថ្មីតែងតែអនុវត្តនូវនយោបាយបីកុំ និងបីទារ គឺកុំផ្តល់ជំនួយឱ្យកម្ពុជា កុំមកវិនិយោគនៅកម្ពុជា និងកុំទិញផលិតផលពីកម្ពុជា និងទារដូរដូរ ទារប្រាក់ខែក្នុងពេល ដែលខ្លួនមិនយល់និងមិនមានលទ្ធភាពនឹងផ្តល់ និងទារបាតុកម្មបាតុកម្ម។ នេះគឺជាការវាយបំបែកឆ្នាំងបាយរបស់ កម្មករកម្មការិនី និងអ្នកទទួលផលពីវិស័យនេះជាច្រើនលាននាក់។ គោលនយោបាយទាំងនេះគឺជាទង្វើក្បត់ជាតិ ក្បត់ប្រជាជនកម្ពុជា។
សម្តេចតេជោ ហ៊ុន សែន បានចាត់ទុករាជរដ្ឋាភិបាលដែលមានសម្តេចជាប្រមុខដឹកនាំជាក្រុម ៣ សុំ រួមមាន សុំផ្តល់ជំនួយមកកម្ពុជា សុំមកវិនិយោគនៅកម្ពុជា និងសុំទិញទំនិញពីកម្ពុជាដែលបាននាំមកនូវការររីកចម្រើនសេដ្ឋកិច្ចដូចសព្វថ្ងៃនេះ។ មេដឹកនាំបក្សប្រឆាំង តែងតែព្យាយាមដើរនិយាយឱ្យបរទេសផ្តាច់ជំនួយ និងឈប់បញ្ជាទិញ ផលិតផលពីកម្ពុជា ព្រមទាំងចូលចិត្តឱនក្បាលចំពោះបរទេស និងអំពាវនាវឱ្យបរទេសដាក់សម្ពាធមកលើកម្ពុជា។ នៅគ្រប់ពេល បក្សប្រឆាំងបានត្រឹមតែប្រឆាំង ប៉ុន្តែមិនយល់ថាអ្វីជាការប្រឆាំងសូម្បីតែរាជរដ្ឋាភិបាលគិតគូរពីផល ប្រយោជន៍ប្រជាជនខ្លួនដើម្បីបានរស់នៅក្នុងឥស្សរភាព និងមោទនភាពជាតិ ក៏បក្សសង្គ្រោះជាតិព្យាយាមនិយាយ ប្រឆាំងដើម្បីបង្ហាញថាខ្លួនជាអ្នកប្រឆាំងដែរ។
បក្សប្រឆាំងកំពុងតែវង្វេងនិងងុបងុលនឹងពាក្យប្រឆាំង! បក្សសង្គ្រោះជាតិកំពុងប្រឆាំងនឹងសេចក្តីសុខ សន្តិភាព និងសុភមង្គល និងការអភិវឌ្ឍដែលប្រជាពលរដ្ឋកំពុងមាន ហើយភស្តុតាងជាបន្តបន្ទាប់ត្រូវបាលេចធ្លាយថាគណបក្សនេះបាននិងកំពុងតែសមគំនិតសហការជាមួយអង្គការនិងជនបរ ទេសមួយចំនួនដើម្បីផ្តួលរំលំរបប និងមេដឹកនាំនៅកម្ពុជាដោយអនុវត្តតាមផែនការនៃការធ្វើបដិវត្តន៍ពណ៌ដែលពួក គេធ្លាប់ធ្វើបានជោគជ័យនៅបណ្តាប្រទេសមួយចំនួន។ បក្សប្រឆាំងនិងអង្គការបរទេសទាំងនោះក៏កំពុងតែបន្តអនុវត្តផែនការសម្ងាត់របស់ខ្លួនជាបន្តបន្ទាប់ដែរដើម្បីសម្រេចមហិច្ឆតាខ្លួន។
សរុបមកវិញ គណបក្សសង្គ្រោះជាតិកំពុងតែចោទប្រជាជនកម្ពុជាថាទទួលសំណូកជាទឹកប្រាក់ តួនាទី និងបុណ្យស័ក្តិ ខណៈអ្វីៗទាំងអស់គឺជាផ្លែផ្លានៃកំណែទម្រង់របស់រាជរដ្ឋាភិបាលកម្ពុជា និងការចូលរួមពីបងប្អួនប្រ ជាពលរដ្ឋ មន្ត្រីរាជការ និងកម្លាំងប្រដាប់អាវុធទាំងអស់។ ជម្រៅចិត្តរបស់មេដឹកនាំបក្សប្រឆាំងគ្មានអ្វីដែលឈឺចិត្ត ពេលឃើញអ្នកធ្លាប់គាំទ្រខ្លួនបានបោះបង់ខ្លួនចោលដោយសារតែបងប្អូនបានយល់ដឹងពីការឃោសបោកប្រាស់ របស់បក្សខ្លួន និងទង្វើក្បត់ជាតិរបស់មេដឹកនាំបក្សនេះក្នុងការរារាំងការអភិវឌ្ឍ និងប៉ុនប៉ង បំផ្លាញសន្តិភាពសេចក្តី សុខរបស់ប្រជាពលរដ្ឋកម្ពុជាឡើយ។ ហេតុដូច្នេះហើយបានជាពួកគេមិនសប្បាយចិត្តនៅពេលដែលរាជរដ្ឋាភិបាល ដឹកនាំដោយគណបក្សប្រជាជនកម្ពុជា ខិតខំបម្រើប្រជាពលរដ្ឋពិត មិនស្ថិតនៅលើបបូរមាត់ស្រឡាញ់ពលរដ្ឋតែ មាត់ តែទង្វើគឺបំផ្លាញជាតិ ក្បត់ជាតិ និងក្បត់ប្រជាជនកម្ពុជា៕
ដោយ៖ ចៅចាក់ស្មុក
