(ភ្នំពេញ)៖ ថៃតាំងពិព័រណ៍ពាណិជ្ជកម្ម «Thailand Products Expo ២០១៧» លើកទី២នៅកម្ពុជា រយៈពេល៤ថ្ងៃចាប់ពីថ្ងៃទី១៧ ដល់ថ្ងៃទី​២០ ខែសីហា ឆ្នាំ២០១៧ ចាប់ផ្តើមបើកសម្ពោធជាផ្លូវការហើយ។

ការតាំងពិព័រណ៍នេះ ក៏មានក្រុមហ៊ុនប្រមាណជាង២០០ចូលរួម និងមានស្ដង់សរុប
ចំនួន២៥០ស្ដង់ផងដែរ។

ការរៀបចំពិព័រណ៍នេះ មានការដាក់តាំងបង្ហាញនូវទំនិញម្ហូបអាហារ, ភេសជ្ជៈ, សំលៀកបំពាក់, គ្រឿងអគ្គិសនី, គ្រឿងសំអាង, វត្ថុអនុស្សាវរីយ៍, សំភារៈប្រើប្រាស់ក្នុងផ្ទះ និងទំនិញ OTOP មកពីខេត្ត ចាន់ថៈបុរី ដែលសុទ្ធសឹងជាទំនិញ មានគុណភាពល្អ និងតម្លៃសមរម្យ។

ការតាំងពិព័រណ៍នេះ ក៏មានភ្ញៀវចូលចូលរួមយ៉ាងច្រើនកុះករនាំគ្នាសម្រុកចូលទិញទំនិញ និងមកទស្សនាការតាំងពិព័រណ៍នេះ។

តំណាងស្ថានទូតថៃ បានបញ្ជាក់ឲ្យដឹងថា គោលបំណងនៃការរៀបចំពិព័រណ៍នេះ ដើម្បីផ្សព្វផ្សាយផលិតផលរបស់ថៃ ដែលជាផលិតផលមានគុណភាពល្អ តម្លៃសមរម្យ និងដើម្បីថ្លែងអំណរគុណដល់អតិថិជនដែលតែងតែគាំទ្រទំនិញថៃ ឲ្យមានឱកាសបានទិញទំនិញ ពីម្ចាស់រោងចក្រដោយផ្ទាល់ ក្នុងតម្លៃដែលអាចធានាបានថា ថោកជាងតម្លៃនៅលើទីផ្សារ៕