(ភ្នំពេញ)៖ លោកស្រី រ៉ូណា ស្មីត អ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្ស ប្រចាំនៅកម្ពុជា នឹងជួបជាមួយ គណៈកម្មាធិការជាតិរៀបចំការបោះឆ្នោត នៅវេលាម៉ោង១០ព្រឹកថ្ងៃទី១៧ ខែសីហា ឆ្នាំ២០១៧ ស្អែកនេះ ដើម្បីពិភាក្សាការងារមួយចំនួន។
លោកស្រី រ៉ូណា ស្មីត បានធ្វើទស្សនកិច្ចផ្លូវការនៅកម្ពុជា ជាលើកទី៤ ដែលមានរយៈពេល១០ថ្ងៃ ពោលគឺចាប់ពីថ្ងៃទី០៨ ដល់ថ្ងៃទី១៨ ខែសីហា ឆ្នាំ២០១៧នេះ។ អំឡុងទស្សនកិច្ចលើកនេះ លោកស្រីបានជួបជាមួយមន្រ្តីជាន់ខ្ពស់រាជរដ្ឋាភិបាលកម្ពុជា គណៈកម្មាធិការសិទ្ធិមនុស្ស គណបក្សប្រឆាំង រួមទាំង សង្គមស៊ីវិលមួយចំនួនទៀតផងដែរ៕
